ஸுகேஶா ச பா⁴ரத்³வாஜ: ஶைப்³யஶ்ச ஸத்யகாம: ஸௌர்யாயணீ ச கா³ர்க்³ய: கௌஸல்யஶ்சாஶ்வலாயநோ பா⁴ர்க³வோ வைத³ர்பி⁴: கப³ந்தீ⁴ காத்யாயநஸ்தே ஹைதே ப்³ரஹ்மபரா ப்³ரஹ்மநிஷ்டா²: பரம் ப்³ரஹ்மாந்வேஷமாணா ஏஷ ஹ வை தத்ஸர்வம் வக்ஷ்யதீதி தே ஹ ஸமித்பாணயோ ப⁴க³வந்தம் பிப்பலாத³முபஸந்நா: ॥ 1 ॥

தாந்ஹ ஸ ருஷிருவாச பூ⁴ய ஏவ தபஸா ப்³ரஹ்மசர்யேண ஶ்ரத்³த⁴யா ஸம்வத்ஸரம் ஸம்வத்ஸ்யத² யதா²காமம் ப்ரஶ்நாந்ப்ருச்ச²த யதி³ விஜ்ஞாஸ்யாம: ஸர்வம் ஹ வோ வக்ஷ்யாம இதி ॥ 2 ॥

அத² கப³ந்தீ⁴ காத்யாயந உபேத்ய பப்ரச்ச² ப⁴க³வந்குதோ ஹ வா இமா: ப்ரஜா: ப்ரஜாயந்த இதி ॥ 3 ॥

தஸ்மை ஸ ஹோவாச ப்ரஜாகாமோ வை ப்ரஜாபதி: ஸ தபோ(அ)தப்யத ஸ தபஸ்தப்த்வா ஸ மிது²நமுத்பாத³யதே ரயிம் ச ப்ராணம் சேத்யேதௌ மே ப³ஹுதா⁴ ப்ரஜா: கரிஷ்யத இதி ॥ 4 ॥

ஆதி³த்யோ ஹ வை ப்ராணோ ரயிரேவ சந்த்³ரமா ரயிர்வா ஏதத்ஸர்வம் யந்மூர்தம் சாமூர்தம் ச தஸ்மாந்மூர்திரேவ ரயி: ॥ 5 ॥

அதா²தி³த்ய உத³யந்யத்ப்ராசீம் தி³ஶம் ப்ரவிஶதி தேந ப்ராச்யாந்ப்ராணாந்ரஶ்மிஷு ஸம்நித⁴த்தே । யத்³த³க்ஷிணாம் யத்ப்ரதீசீம் யது³தீ³சீம் யத³தோ⁴ யதூ³ர்த்⁴வம் யத³ந்தரா தி³ஶோ யத்ஸர்வம், ப்ரகாஶயதி தேந, ஸர்வாந்ப்ராணாந்ரஶ்மிஷு ஸம்நித⁴த்தே ॥ 6 ॥

ஸ ஏஷ வைஶ்வாநரோ விஶ்வரூப: ப்ராணோ(அ)க்³நிருத³யதே । ததே³தத்³ருசாப்⁴யுக்தம் ॥ 7 ॥

விஶ்வரூபம் ஹரிணம் ஜாதவேத³ஸம் பராயணம் ஜ்யோதிரேகம் தபந்தம் ।
ஸஹஸ்ரரஶ்மி: ஶததா⁴ வர்தமாந: ப்ராண: ப்ரஜாநாமுத³யத்யேஷ ஸூர்ய: ॥ 8 ॥

ஸம்வத்ஸரோ வை ப்ரஜாபதிஸ்தஸ்யாயநே த³க்ஷிணம் சோத்தரம் ச । தத்³யே ஹ வை ததி³ஷ்டாபூர்தே க்ருதமித்யுபாஸதே தே சாந்த்³ரமஸமேவ லோகமபி⁴ஜயந்தே । த ஏவ புநராவர்தந்தே தஸ்மாதே³த ருஷய: ப்ரஜாகாமா த³க்ஷிணம் ப்ரதிபத்³யந்தே । ஏஷ ஹ வை ரயிர்ய: பித்ருயாண: ॥ 9 ॥

அதோ²த்தரேண தபஸா ப்³ரஹ்மசர்யேண ஶ்ரத்³த⁴யா வித்³யயாத்மாநமந்விஷ்யாதி³த்யமபி⁴ஜயந்தே । ஏதத்³வை ப்ராணாநாமாயதநமேதத³ம்ருதமப⁴யமேதத்பராயணமேதஸ்மாந்ந புநராவர்தந்த இத்யேஷ நிரோத⁴: । ததே³ஷ ஶ்லோக: ॥ 10 ॥

பஞ்சபாத³ம் பிதரம் த்³வாத³ஶாக்ருதிம் தி³வ ஆஹு: பரே அர்தே⁴ புரீஷிணம் ।
அதே²மே அந்ய உ பரே விசக்ஷணம் ஸப்தசக்ரே ஷட³ர ஆஹுரர்பிதமிதி ॥ 11 ॥

மாஸோ வை ப்ரஜாபதிஸ்தஸ்ய க்ருஷ்ணபக்ஷ ஏவ ரயி: ஶுக்ல: ப்ராணஸ்தஸ்மாதே³த ருஷய: ஶுக்ல இஷ்டம் குர்வந்தீதர இதரஸ்மிந் ॥ 12 ॥

அஹோராத்ரோ வை ப்ரஜாபதிஸ்தஸ்யாஹரேவ ப்ராணோ ராத்ரிரேவ ரயி: ப்ராணம் வா ஏதே ப்ரஸ்கந்த³ந்தி யே தி³வா ரத்யா ஸம்யுஜ்யந்தே ப்³ரஹ்மசர்யமேவ தத்³யத்³ராத்ரௌ ரத்யா ஸம்யுஜ்யந்தே ॥ 13 ॥

அந்நம் வை ப்ரஜாபதிஸ்ததோ ஹ வை தத்³ரேதஸ்தஸ்மாதி³மா: ப்ரஜா: ப்ரஜாயந்த இதி ॥ 14 ॥

தத்³யே ஹ வை தத்ப்ரஜாபதிவ்ரதம் சரந்தி தே மிது²நமுத்பாத³யந்தே । தேஷாமேவைஷ ப்³ரஹ்மலோகோ யேஷாம்
தபோ ப்³ரஹ்மசர்யம் யேஷு ஸத்யம் ப்ரதிஷ்டி²தம் ॥ 15 ॥

தேஷாமஸௌ விரஜோ ப்³ரஹ்மலோகோ ந யேஷு ஜிஹ்மமந்ருதம் ந மாயா சேதி ॥ 16 ॥