ननु स्त्रीशरीरे प्रविष्टं पुरुषस्य रेतः स्त्रिया उपद्रवकारि स्याच्छारीरलग्नबाणवदित्याशङ्क्योक्तं तत्स्त्रिया इत्यादि तदेतद्व्याचष्टे –
तद्रेतो यस्यामिति ।
पिटका व्रणरूपग्रन्थिविशेषास्तद्वन्न हिनस्तीति व्यतिरेकेण दृष्टान्तः ।
अक्षरार्थमुक्त्वा पिण्डितार्थमाह –
यस्मादिति ।
अत्र प्रसङ्गात्स्त्रिया सावधानेन गर्भरक्षणं कर्तव्यमिति विधत्ते –
सेति ।
भावयति भावयेदित्यर्थः ।
पालनोपायमाह –
गर्भविरुद्धेति ॥२॥