நேதி பூர்வஸூத்ராத³நுவர்ததே । ஶாரீரஶ்ச நாந்தர்யாமீ ஸ்யாத் । கஸ்மாத் ? யத்³யபி த்³ரஷ்ட்ருத்வாத³யோ த⁴ர்மாஸ்தஸ்ய ஸம்ப⁴வந்தி, ததா²பி க⁴டாகாஶவது³பாதி⁴பரிச்சி²ந்நத்வாந்ந கார்த்ஸ்ந்யேந ப்ருதி²வ்யாதி³ஷ்வந்தரவஸ்தா²தும் நியந்தும் ச ஶக்நோதி । அபி சோப⁴யே(அ)பி ஹி ஶாகி²ந: காண்வா மாத்⁴யந்தி³நாஶ்சாந்தர்யாமிணோ பே⁴தே³நைநம் ஶாரீரம் ப்ருதி²வ்யாதி³வத³தி⁴ஷ்டா²நத்வேந நியம்யத்வேந சாதீ⁴யதே — ‘யோ விஜ்ஞாநே திஷ்ட²ந்’ (ப்³ரு. உ. 3 । 7 । 22) இதி காண்வா: । ‘ய ஆத்மநி திஷ்ட²ந்’ இதி மாத்⁴யந்தி³நா: । ‘ய ஆத்மநி திஷ்ட²ந்’ இத்யஸ்மிம்ஸ்தாவத் பாடே² ப⁴வத்யாத்மஶப்³த³: ஶாரீரஸ்ய வாசக: । ‘யோ விஜ்ஞாநே திஷ்ட²ந்’ இத்யஸ்மிந்நபி பாடே² விஜ்ஞாநஶப்³தே³ந ஶாரீர உச்யதே, விஜ்ஞாநமயோ ஹி ஶாரீர இதி । தஸ்மாச்சா²ரீராத³ந்ய ஈஶ்வரோ(அ)ந்தர்யாமீதி ஸித்³த⁴ம் । கத²ம் புநரேகஸ்மிந்தே³ஹே த்³வௌ த்³ரஷ்டாராவுபபத்³யேதே யஶ்சாயமீஶ்வரோ(அ)ந்தர்யாமீ, யஶ்சாயமிதர: ஶாரீர: ? கா புநரிஹாநுபபத்தி: ? ‘நாந்யோ(அ)தோ(அ)ஸ்தி த்³ரஷ்டா’ இத்யாதி³ஶ்ருதிவசநம் விருத்⁴யேத । அத்ர ஹி ப்ரக்ருதாத³ந்தர்யாமிணோ(அ)ந்யம் த்³ரஷ்டாரம் ஶ்ரோதாரம் மந்தாரம் விஜ்ஞாதாரம் சாத்மாநம் ப்ரதிஷேத⁴தி । நியந்த்ரந்தரப்ரதிஷேதா⁴ர்த²மேதத்³வசநமிதி சேத் , ந; நியந்த்ரந்தராப்ரஸங்கா³த³விஶேஷஶ்ரவணாச்ச । அத்ரோச்யதே — அவித்³யாப்ரத்யுபஸ்தா²பிதகார்யகரணோபாதி⁴நிமித்தோ(அ)யம் ஶாரீராந்தர்யாமிணோர்பே⁴த³வ்யபதே³ஶ:, ந பாரமார்தி²க: । ஏகோ ஹி ப்ரத்யகா³த்மா ப⁴வதி, ந த்³வௌ ப்ரத்யகா³த்மாநௌ ஸம்ப⁴வத: । ஏகஸ்யைவ து பே⁴த³வ்யவஹார உபாதி⁴க்ருத:, யதா² க⁴டாகாஶோ மஹாகாஶ இதி । ததஶ்ச ஜ்ஞாத்ருஜ்ஞேயாதி³பே⁴த³ஶ்ருதய: ப்ரத்யக்ஷாதீ³நி ச ப்ரமாணாநி ஸம்ஸாராநுப⁴வோ விதி⁴ப்ரதிஷேத⁴ஶாஸ்த்ரம் சேதி ஸர்வமேதது³பபத்³யதே । ததா² ச ஶ்ருதி: — ‘யத்ர ஹி த்³வைதமிவ ப⁴வதி ததி³தர இதரம் பஶ்யதி’ இத்யவித்³யாவிஷயே ஸர்வம் வ்யவஹாரம் த³ர்ஶயதி । ‘யத்ர த்வஸ்ய ஸர்வமாத்மைவாபூ⁴த்தத்கேந கம் பஶ்யேத்’ இதி வித்³யாவிஷயே ஸர்வம் வ்யவஹாரம் வாரயதி ॥ 20 ॥