ந ச ஸர்வபாப்மப்ரதா³ஹ இதி பாரிஶேஷ்யாத்பரமாத்மைவ வைஶ்வாநர இதி நிஶ்சிதே குத: புநரியமாஶங்கா -

ஶப்³தா³தி³ப்⁴யோ(அ)ந்த: ப்ரதிஷ்டா²நாந்நேதி சேதி³தி ।

உச்யதே - ததே³வோபக்ரமாநுரோதே⁴நாந்யதா² நீயதே, யந்நேதும் ஶக்யம் । அஶக்யௌ ச வைஶ்வாநராக்³நிஶப்³தா³வந்யதா² நேதுமிதி ஶங்கிதுரபி⁴மாந: । அபி சாந்த:ப்ரதிஷ்டி²தத்வம் ச ப்ராதே³ஶமாத்ரத்வம் ச ந ஸர்வவ்யாபிநோ(அ)பரிமாணஸ்ய ச பரப்³ரஹ்மண: ஸம்ப⁴வத: । நச ப்ராணாஹுத்யதி⁴கரணதா(அ)ந்யத்ர ஜாட²ராக்³நேர்யுஜ்யதே । நச கா³ர்ஹபத்யாதி³ஹ்ருத³யாதி³தா ப்³ரஹ்மண: ஸம்ப⁴விநீ । தஸ்மாத்³யதா²யோக³ம் ஜாட²ரபூ⁴தாக்³நிதே³வதாஜீவாநாமந்யதமோ வைஶ்வாநர:, நது ப்³ரஹ்ம । ததா² ச ப்³ரஹ்மாத்மஶப்³தா³வுபக்ரமக³தாவப்யந்யதா² நேதவ்யௌ । மூர்த⁴த்வாத³யஶ்ச ஸ்துதிமாத்ரம் । அத²வா அக்³நிஶரீராயா தே³வதாயா ஐஶ்வர்யயோகா³த் த்³யுமூர்த⁴த்வாத³ய உபபத்³யந்த இதி ஶங்கிதுரபி⁴ஸந்தி⁴: ।