ப்³ரஹ்மஸூத்ரபா⁴ஷ்யம்
ப்ரத²மோ(அ)த்⁴யாய:த்ருதீய: பாத³:
பூர்வப்ருஷ்ட²ம்      உத்தரப்ருஷ்ட²ம்
பா⁴மதீவ்யாக்²யா
 
த⁴ர்மோபபத்தேஶ்ச ॥ 9 ॥
அபி ச யே பூ⁴ம்நி ஶ்ரூயந்தே த⁴ர்மா:, தே பரமாத்மந்யுபபத்³யந்தே । ‘யத்ர நாந்யத்பஶ்யதி நாந்யச்ச்²ருணோதி நாந்யத்³விஜாநாதி ஸ பூ⁴மா’ இதி த³ர்ஶநாதி³வ்யவஹாராபா⁴வம் பூ⁴மநி அவக³மயதி । பரமாத்மநி சாயம் த³ர்ஶநாதி³வ்யவஹாராபா⁴வோ(அ)வக³த: — ‘யத்ர த்வஸ்ய ஸர்வமாத்மைவாபூ⁴த்தத்கேந கம் பஶ்யேத்’ (ப்³ரு. உ. 4 । 5 । 15) இத்யாதி³ஶ்ருத்யந்தராத் । யோ(அ)ப்யஸௌ ஸுஷுப்தாவஸ்தா²யாம் த³ர்ஶநாதி³வ்யவஹாராபா⁴வ உக்த:, ஸோ(அ)ப்யாத்மந ஏவாஸங்க³த்வவிவக்ஷயோக்த:, ந ப்ராணஸ்வபா⁴வவிவக்ஷயா, பரமாத்மப்ரகரணாத் । யத³பி தஸ்யாமவஸ்தா²யாம் ஸுக²முக்தம் , தத³ப்யாத்மந ஏவ ஸுக²ரூபத்வவிவக்ஷயோக்தம்; யத ஆஹ — ‘ஏஷோ(அ)ஸ்ய பரம ஆநந்த³ ஏதஸ்யைவாநந்த³ஸ்யாந்யாநி பூ⁴தாநி மாத்ராமுபஜீவந்தி’ (ப்³ரு. உ. 4 । 3 । 32) இதி । இஹாபி ‘யோ வை பூ⁴மா தத்ஸுக²ம் நால்பே ஸுக²மஸ்தி பூ⁴மைவ ஸுக²ம்’ இதி ஸாமயஸுக²நிராகரணேந ப்³ரஹ்மைவ ஸுக²ம் பூ⁴மாநம் த³ர்ஶயதி । ‘யோ வை பூ⁴மா தத³ம்ருதம்’ இத்யம்ருதத்வமபீஹ ஶ்ரூயமாணம் பரமகாரணம் க³மயதி । விகாராணாமம்ருதத்வஸ்யாபேக்ஷிகத்வாத் , ‘அதோ(அ)ந்யதா³ர்தம்’ (ப்³ரு. உ. 3 । 4 । 2) இதி ச ஶ்ருத்யந்தராத் । ததா² ச ஸத்யத்வம் ஸ்வமஹிமப்ரதிஷ்டி²தத்வம் ஸர்வக³தத்வம் ஸர்வாத்மத்வமிதி சைதே த⁴ர்மா: ஶ்ரூயமாணா: பரமாத்மந்யேவோபபத்³யந்தே, நாந்யத்ர । தஸ்மாத்³பூ⁴மா பரமாத்மேதி ஸித்³த⁴ம் ॥ 9 ॥

ந கேவலம் ஶ்ருதேர்பூ⁴மாத்மதா பரமாத்மந:, லிங்கா³த³பீத்யாஹ ஸூத்ரகார: -

த⁴ர்மோபபத்தேஶ்ச ।

யத³பி பூர்வபக்ஷிணா கத²ஞ்சிந்நீதம் தத³நுபா⁴ஷ்ய பா⁴ஷ்யகாரோ தூ³ஷயதி -

யோ(அ)ப்யஸௌ ஸுஷுப்தாவஸ்தா²யாமிதி ।

ஸுஷுப்தாவஸ்தா²யாமிந்த்³ரியாத்³யஸம்யோக்³யாத்மைவ । ந ப்ராண: । பரமாத்மப்ரகரணாத் । அந்யதா³ர்தம் । விநஶ்வரமித்யர்த²: । அதிரோஹிதார்த²மந்யத் ॥ 9 ॥