अद्वैतशारदा | दक्षिणाम्नाय श्रीशारदापीठम्, शृङ्गेरी

ஜ்ஞேயத்வாவசநாச்ச ॥ 4 ॥

ஜ்ஞேயத்வேந ச ஸாங்க்²யை: ப்ரதா⁴நம் ஸ்மர்யதே, கு³ணபுருஷாந்தரஜ்ஞாநாத்கைவல்யமிதி வத³த்³பி⁴: — ந ஹி கு³ணஸ்வரூபமஜ்ஞாத்வா கு³ணேப்⁴ய: புருஷஸ்யாந்தரம் ஶக்யம் ஜ்ஞாதுமிதி । க்வசிச்ச விபூ⁴திவிஶேஷப்ராப்தயே ப்ரதா⁴நம் ஜ்ஞேயமிதி ஸ்மரந்தி । ந சேத³மிஹாவ்யக்தம் ஜ்ஞேயத்வேநோச்யதே । பத³மாத்ரம் ஹ்யவ்யக்தஶப்³த³:, நேஹாவ்யக்தம் ஜ்ஞாதவ்யமுபாஸிதவ்யம் சேதி வாக்யமஸ்தி । ந சாநுபதி³ஷ்டம் பதா³ர்த²ஜ்ஞாநம் புருஷார்த²மிதி ஶக்யம் ப்ரதிபத்தும் । தஸ்மாத³பி நாவ்யக்தஶப்³தே³ந ப்ரதா⁴நமபி⁴தீ⁴யதே । அஸ்மாகம் து ரத²ரூபகக்லுப்தஶரீராத்³யநுஸரணேந விஷ்ணோரேவ பரமம் பத³ம் த³ர்ஶயிதுமயமுபந்யாஸ இத்யநவத்³யம் ॥ 4 ॥

ஜ்ஞேயத்வாவசநாச்ச ;

ஜ்ஞேயத்வாவசநாச்ச ।

இதோ(அ)பி நாயமவ்யக்தஶப்³த³: ஸாங்க்²யாபி⁴மதப்ரதா⁴நபர: । ஸாங்க்²யை: க²லு ப்ரதா⁴நாத்³விவேகேந புருஷம் நி:ஶ்ரேயஸாய ஜ்ஞாதும் வா விபூ⁴த்யை வா ப்ரதா⁴நம் ஜ்ஞேயத்வேநோபக்ஷிப்யதே । ந சேஹ ஜாநீயாதி³தி சோபாஸீதேதி வா விதி⁴விப⁴க்திஶ்ருதிரஸ்தி, அபி த்வவ்யக்தபத³மாத்ரம் । ந சைதாவதா ஸாங்க்²யஸ்ம்ருதிப்ரத்யபி⁴ஜ்ஞாநம் ப⁴வதீதி பா⁴வ: ॥ 4 ॥