సామ్నో గుణాన్తరమవతారయతి —

అథేతి ।

తర్హి పునరుక్తిః స్యాత్తత్రాఽఽహ —

ఎతావానితి ।

లాక్షణికం కణ్ఠ్యోఽయం వర్ణో దన్త్యోఽయమితి లక్షణజ్ఞానపూర్వకం సుష్ఠు వర్ణోచ్చారణం మమైవ సామశబ్దితప్రాణభూతస్య ధనమితి యావత్ ।

లాక్షణికసౌస్వర్యగుణవత్ప్రాణవిజ్ఞానవతో యథోక్తఫలలాభే హేతుమాహ —

సువర్ణశబ్దేతి ।

వాక్యార్థమాహ —

లౌకికమేవేతి ।

ఫలేన ప్రలోభ్యాభిముఖీకృత్య కిం తత్సువర్ణమితి శుశ్రూషవే బ్రూతే —

తస్యేతి ।

గుణవిజ్ఞానఫలముపసమ్హరతి —

భవతీతి ।

సామ్నస్తచ్ఛబ్దవాచ్యస్య ప్రాణస్య స్వరూపభూతస్యేతి యావత్ ॥౨౬॥