జ్ఞానకర్మఫలం సౌత్రం పదముత్కృష్టత్వాన్ముక్తిస్తదన్యముక్త్యభావాత్తద్ధేతుసమ్యగ్ధీసిద్ధయే ప్రవృత్తిరనర్థికేత్యాశఙ్క్య సోఽబిభేదిత్యస్య తాత్పర్యమాహ —

యదిదమితి ।

తుష్టూషితం స్తోతుమభిప్రేతమితి యావత్ । ఆహ వివక్షితార్థసిద్ధ్యర్థం హేతుం భయభాక్త్వమితి శేషః । జ్ఞానకర్మఫలం త్రైలోక్యాత్మకసూత్రత్వముత్కృష్టమపి సంసారాన్తర్భూతమేవ న కైవల్యమితి వక్తుముత్తరం వాక్యమిత్యర్థః ।