பரபக்ஷம் நிராக்ருத்ய ஸ்வபக்ஷம் த³ர்ஶயதி —
தஸ்மாதி³தி ।
தத்³வ்யதிரேகேண ஜக³ந்நாஸ்தீதி ஸூசயதி —
வைஶப்³த³ இதி ।
தத்பதா³ர்த²முக்த்வா த்வம்பதா³ர்த²ம் கத²யதி —
இத³மிதி ।
தயோர்வஸ்துதோ பே⁴த³ம் ஶங்கித்வா பதா³ந்தரம் வ்யாசஷ்டே —
ப்ராகி³தி ।
தஸ்யாபரிச்சி²ந்நத்வமாஹ —
ஸர்வம் சேதி ।
கத²ம் தர்ஹி விபரீததீ⁴ரித்யாஶங்க்யா(அ)(அ)ஹ —
கிந்த்விதி ।
யதா²ப்ரதிபா⁴ஸம் கர்த்ருத்வாதே³ர்வாஸ்தவத்வமாஶங்க்ய ஶாஸ்த்ரவிரோதா⁴ந்மைவமித்யாஹ —
பரமார்த²தஸ்த்விதி ।
தத்³விலக்ஷணமத்⁴யஸ்தஸமஸ்தஸம்ஸாரரஹிதமிதி யாவத் ।
கிமு தத்³ப்³ரஹ்மேதி சோத்³யம் பரிஹ்ருத்ய கிம் தத³வேதி³தி சோத்³யந்தரம் ப்ரத்யாஹ —
தத்கத²ஞ்சிதி³தி ।
பூர்வவாக்யோக்தமவித்³யாவிஶிஷ்டமதி⁴காரித்வேந வ்யவஸ்தி²தம் ப்³ரஹ்ம நாஸி ஸம்ஸாரீத்யாசார்யேண த³யாவதா கத²ஞ்சித்³போ³தி⁴தமாத்மாநமேவாவேதி³தி ஸம்ப³ந்த⁴: ।
ஆத்மைவ ப்ரமேயஸ்தஜ்ஞாநமேவ ப்ரமாணமித்யேவமர்த²த்வமேவகாரஸ்ய விவக்ஷந்நாஹ —
அவித்³யேதி ।