క్షత్రే సృష్టేఽపి, స నైవ వ్యభవత్ , కర్మణే బ్రహ్మ తథా న వ్యభవత్ , విత్తోపార్జయితురభావాత్ ; స విశమసృజత కర్మసాధనవిత్తోపార్జనాయ ; కః పునరసౌ విట్ ? యాన్యేతాని దేవజాతాని — స్వార్థే నిష్ఠా, య ఎతే దేవజాతిభేదా ఇత్యర్థః — గణశః గణం గణమ్ , ఆఖ్యాయన్తే కథ్యన్తే — గణప్రాయా హి విశః ; ప్రాయేణ సంహతా హి విత్తోపార్జనే సమర్థాః, న ఎకైకశః — వసవః అష్టసఙ్ఖ్యో గణః, తథైకాదశ రుద్రాః ; ద్వాదశ ఆదిత్యాః, విశ్వే దేవాః త్రయోదశ విశ్వాయా అపత్యాని — సర్వే వా దేవాః, మరుతః సప్త సప్త గణాః ॥