ப்³ராஹ்மணாந்தரமவதார்ய ஸம்க³திம் வக்தும் வ்ருத்தம் கீர்தயதி —
யத்ஸப்தாந்நாநீத்யாதி³நா ।
தத்ரேத்யதிக்ராந்தப்³ராஹ்மணோக்தி: । உபாஸ்திஶப்³தி³தம் பே⁴த³த³ர்ஶநமவித்³யாகார்யமநேநாநூத்³ய ந ஸ வேதே³தி தத்³தே⁴துரவித்³யா பூர்வத்ர ப்ரஸ்துதேதி யோஜநா ।
அதோ² அயமித்யத்ரோக்தமநுவத³தி —
ஸவர்ணாஶ்ரமாபி⁴மாந இதி ।
ஆத்மைவேத³மக்³ர ஆஸீதி³த்யாதா³வுக்தம் ஸ்மாரயதி —
காமப்ரயுக்த இதி ।
வ்ருத்தமநூத்³யோத்தரக்³ரந்த²மவதாரயிதுமபேக்ஷிதம் பூரயதி —
யதா² சேதி ।
க்³ருஹிணோ ஜக³தஶ்ச பரஸ்பரம் ஸ்வகர்மோபார்ஜிதத்வமேஷ்டவ்யமந்யதா²(அ)ந்யோந்யமுபகாரகத்வாயோகா³தி³த்யர்த²: ।
நநு ஸூத்ரஸ்யைவ ஜக³த்கர்த்ருத்வம் ஜ்ஞாநக்ரியாதிஶயவத்த்வாந்நேதரேஷாம் தத³பா⁴வாத³த ஆஹ —
ஏவமிதி ।
பூர்வகல்பீயவிஹிதப்ரதிஷித்³த⁴ஜ்ஞாநகர்மாநுஷ்டா²தா ஸர்வோ ஜந்துருத்தரஸர்க³ஸ்ய பித்ருத்வேநாத்ர விவக்ஷிதோ ந து ப்ரஜாபதிரேவேத்யுக்தமர்த²ம் ஸம்க்ஷிப்யா(அ)(அ)ஹ —
ஸர்வஸ்யேதி ।
ஸர்வஸ்ய மிதோ² ஹேதுஹேதுமத்த்வே ப்ரமாணமாஹ —
ஏததே³வேதி ।
ஸர்வஸ்யாந்யோந்யகார்யகாரணத்வோக்த்யா கல்பிதத்வவசநம் குத்ரோபயுஜ்யதே தத்ரா(அ)(அ)ஹ —
ஆத்மைகத்வேதி ।
ஏவம் பூ⁴மிகாம் க்ருத்வோத்தரப்³ராஹ்மணதாத்பர்யமாஹ —
யத³ஸாவிதி ।
உச்யந்தே த்⁴யாநார்த²மிதி ஶேஷ: ।
அந்யத்வே ஹேது: —
போ⁴ஜ்யத்வாதி³தி ।
தேந ஜ்ஞாநகர்மப்⁴யாம் ஜநகத்வேநேதி யாவத் ।
ப்³ராஹ்மணமவதார்ய மந்த்ரமவதாரயதி —
ஏதேஷாமிதி ॥1॥