தத்ரா(அ)(அ)த்³யமந்த்ரபா⁴க³மாதா³ய வ்யாசஷ்டே —
யத்ஸப்தாந்நாநீதி ।
அஜநயதி³தி க்ரியாயா விஶேஷணம் யதி³தி பத³ம் । ததா² ச தத்³யுக்தம் பித்ருத்வாதி³தி ஶேஷ: । க்³ரந்தா²ர்த²தா⁴ரணஶக்திர்மேதா⁴ । க்ருச்ச்²ரசாந்த்³ராயணாதி³ தப: ।
தே கஸ்மாத³த்ர ந க்³ருஹ்யதே தத்ரா(அ)(அ)ஹ —
ஜ்ஞாநகர்மணீ இதி ।
தயோ: ப்ரக்ருதத்வம் ப்ரகடயதி —
பாங்க்தம் ஹீதி ।
இதரயோரப்ரக்ருதத்வம் ஹேதூக்ருதமநூத்³ய ப²லிதமாஹ —
தஸ்மாதி³தி ।
ஜ்ஞாநகர்மணோ: ப்ரக்ருதத்வமுக்தம் ஹேதுமாதா³ய வாக்யம் பூரயதி —
அத இதி ।
யத்ஸப்தாந்நாநீத்யாதி³மந்த்ரபா⁴க³ம் வ்யாக்²யாய ப்³ராஹ்மணவாக்யஸமுதா³யதாத்பர்யமாஹ —
தத்ரேதி ।
மந்த்ரப்³ராஹ்மணாத்மகோ க்³ரந்த²: ஸப்தம்யர்த²: ।
மேத⁴யா ஹீத்யாதி³ப்³ராஹ்மணமாகாங்க்ஷாபூர்வகமுத்தா²பயதி —
தத்ர யதி³தி ।
ப்ரக்ருதமந்த்ரஸமுதா³ய: ஸப்தம்யா பராம்ருஶ்யதே ।
வ்யாக்²யாநமேவ ஸம்க்³ருஹ்ணாதி —
ப்ரஸித்³தோ⁴ ஹீதி ।
ந கேவலம் ஹிஶப்³தா³ந்மந்த்ரஸ்ய ப்ரஸித்³தா⁴ர்த²த்வம் கிந்து மந்த்ரஸ்வரூபாலோசநாயாமபி தத்ஸித்⁴யதீத்யாஹ —
யதி³தி ।
மந்த்ரார்த²ஸ்ய ப்ரஸித்³த⁴த்வே மந்த்ரஸ்யாநுகு³ணத்வம் ஹேதூக்ருத்ய ப²லிதமாஹ —
அத இதி ।