தத்ப்ரஸித்³தி⁴முபபாத³யிதும் ப்ருச்ச²தி —
நந்விதி ।
ஸாத்⁴யஸாத⁴நாத்மகே ஜக³தி யத்பித்ருத்வமவித்³யாவதோ பா⁴வி தத்ப்ரத்யக்ஷத்வாத்ப்ரஸித்³த⁴ம் அநுபூ⁴யதே ஹி ஜாயாதி³ ஸம்பாத³யந்நவித்³வாநித்யாஹ —
உச்யத இதி ।
ஶ்ருத்யா ச ப்ராகு³க்தத்வாத்ப்ரஸித்³த⁴மேததி³த்யாஹ —
அபி⁴ஹிதஞ்சேதி ।
யச்ச மேதா⁴தபோப்⁴யாம் ஸ்ரஷ்ட்ருத்வம் மந்த்ரப்³ராஹ்மணயோருக்தம் தத³பி ப்ரஸித்³த⁴மேவ வித்³யாகர்மபுத்ராணாமபா⁴வே லோகத்ரயோத்பத்த்யநுபபத்தேரித்யாஹ —
தத்ர சேதி ।
பூர்வோத்தரக்³ரந்த²: ஸப்தம்யர்த²: ।
புத்ரேணைவாயம் லோகோ ஜய்ய இத்யாதௌ³ வக்ஷ்யமாணத்வாச்சாஸ்யார்தா²ஸ்ய ப்ரஸித்³த⁴தேத்யாஹ —
வக்ஷ்யமாணஞ்சேதி ।
மந்த்ரார்த²ஸ்ய ப்ரஸித்³த⁴த்வே மந்த்ரஸ்ய ப்ரஸித்³தா⁴ர்த²விஷயம் ப்³ராஹ்மணமுபபந்நமித்யுபஸம்ஹரதி —
தஸ்மாதி³தி ।
ப்ரகாராந்தரேண மந்த்ரார்த²ஸ்ய ப்ரஸித்³த⁴த்வமாஹ —
ஏஷணா ஹீதி ।
ப²லவிஷயத்வம் தஸ்யா: ஸ்வாநுப⁴வஸித்³த⁴மிதி வக்தும் ஹிஶப்³த³: ।
தஸ்யா லோகப்ரஸித்³த⁴த்வே(அ)பி கத²ம் மந்த்ரார்த²ஸ்ய ப்ரஸித்³த⁴த்வமத ஆஹ —
ஏஷணா சேதி ।
ஜாயாத்³யாத்மகஸ்ய காமஸ்ய ஸம்ஸாராரம்ப⁴கத்வவந்மோக்ஷே(அ)பி காம: ஸம்ஸாரமாரபே⁴த காமத்வாவிஶேஷாதி³த்யதிப்ரஸம்க³மாஶங்க்யா(அ)(அ)ஹ —
ப்³ரஹ்மவித்³யேதி ।
தஸ்யா விஷயோ மோக்ஷ: । தஸ்மிந்நத்³விதீயத்வாத்³ராகா³தி³பரிபந்தி²நி காமாபரபர்யாயோ ராகோ³ நாவகல்பதே । ந ஹி மித்²யாஜ்ஞாநநிதா³நோ ராக³: ஸம்யக்³ஜ்ஞாநாதி⁴க³ம்யே மோக்ஷே ஸம்ப⁴வதி । ஶ்ரத்³தா⁴ து தத்ர ப⁴வதி தத்த்வபோ³தா⁴தீ⁴நதயா ஸம்ஸாரவிரோதி⁴நி தந்ந ஸம்ஸாராநுஷக்திர்முக்தாவித்யர்த²: ।
ஶாஸ்த்ரீயஸ்ய ஜாயாதே³: ஸம்ஸாரஹேதுத்வே கர்மாதே³ரஶாஸ்த்ரீயஸ்ய கத²ம் தத்³தே⁴துத்வமித்யாஶங்க்யா(அ)(அ)ஹ —
ஏதேநேதி ।
அவித்³யோத்த²ஸ்ய காமஸ்ய ஸம்ஸாரஹேதுத்வோபத³ர்ஶநேநேதி யாவத் । ஸ்வாபா⁴விகாப்⁴யாமவித்³யாதீ⁴நகாமப்ரயுக்தாப்⁴யாமித்யர்த²: ।
இதஶ்ச தயோர்ஜக³த்ஸ்ருஷ்டிப்ரயோஜகத்வமேஷ்டவ்யமித்யாஹ —
ஸ்தா²வராந்தஸ்யேதி ।
யத்ஸப்தாந்நாநீத்யாதி³மந்த்ரஸ்ய மேத⁴யா ஹீத்யாதி³ப்³ராஹ்மணஸ்ய சாக்ஷரோத்த²மர்த²முக்த்வா தாத்பர்யமாஹ —
விவக்ஷிதஸ்த்விதி ।
ஶாஸ்த்ரபரவஶஸ்ய ஶாஸ்த்ரவஶாதே³வ ஸாத்⁴யஸாத⁴நபா⁴வாத³ஶாஸ்த்ரீயாத்³வைதமுக்²யஸம்ப⁴வாந்ந தஸ்யாத்ர விவக்ஷிதமித்யர்த²: ।
ஶாஸ்த்ரீயஸ்ய ஸாத்⁴யஸாத⁴நபா⁴வஸ்ய விவக்ஷிதத்வே ஹேதுமாஹ —
ப்³ரஹ்மேதி ।
ததே³வ ப்ரபஞ்சயதி —
ஸர்வோ ஹீதி ।
து³:க²யதீதி து³:க²ஸ்தத்³தே⁴துரிதி யாவத் । ப்ரக்ருதமந்த்ரப்³ராஹ்மணவ்யாக்²யாஸமாப்தாவிதிஶப்³தோ³ விவக்ஷிதார்த²ப்ரத³ர்ஶநஸமாப்தோ வா ।