மந்த்ராந்தரமாதா³யா(அ)(அ)காங்க்ஷாத்³வாரா ப்³ராஹ்மணமுத்தா²ப்ய வ்யாசஷ்டே —
த்³வே தே³வாநித்யாதி³நா ।
ஹுதப்ரஹுதயோர்தே³வாந்நத்வே ஸம்ப்ரதிதநமநுஷ்டா²நமநுகூலயதி —
யஸ்மாதி³தி ।
பக்ஷாந்தரமுபந்யஸ்ய வ்யாகரோதி —
அதோ² இதி ।
யதி³ த³ர்ஶபூர்ணமாஸௌ தே³வாந்நே கத²ம் தர்ஹி ஹுதப்ரஹுதே இதி பக்ஷஸ்ய ப்ராப்திஸ்தத்ரா(அ)(அ)ஹ —
த்³வித்வேதி ।
தர்ஹி த்³வே தே³வாநிதி ஶ்ருதத்³வித்வஸ்ய ஹுதப்ரஹுதயோரபி ஸம்ப⁴வாந்ந ப்ரத²மபக்ஷஸ்ய பூர்வபக்ஷத்வமத ஆஹ —
யத்³யபீதி ।
ப்ரஸித்³த⁴தரத்வே ஹேதுமாஹ —
மந்த்ரேதி ।
‘அக்³நயே ஜுஷ்டம் நிர்வபாமி’ ‘அக்³நிரித³ம் ஹவிரஜுஷத’ இத்யாதி³மந்த்ரேஷு த³ர்ஶபூர்ணமாஸயோர்தே³வாந்நத்வஸ்ய ப்ரதிபந்நத்வாதி³தி யாவத் ।
இதஶ்ச த³ர்ஶபூர்ணமாஸயோரேவ தே³வாந்நத்வமிதி வக்தும் ஸாமாந்யந்யாயமாஹ —
கு³ணேதி ।
கு³ணப்ரதா⁴நயோரேகத்ர ஸாதா⁴ரணஶப்³தா³த்ப்ராப்தௌ ஸத்யாம் ப்ரத²மதரா ப்ரதா⁴நே ப⁴வத்யவக³திர்கௌ³ணமுக்²யயோர்முக்²யே கார்யஸம்ப்ரத்யய இதி ந்யாயாதி³த்யர்த²: ।
அஸ்த்வேவம் ப்ரஸ்துதே கிம் ஜாதம் ததா³ஹ —
த³ர்ஶபூர்ணமாஸயோஶ்சேதி ।
தயோர்நிரபேக்ஷஶ்ருதித்³ருஷ்டதயா ஸாபேக்ஷஸ்ம்ருதிஸித்³த⁴ஹுதாத்³யபேக்ஷயா ப்ராதா⁴ந்யம் ஸித்³த⁴ம் ததா² ச ப்ரதா³நயோஸ்தயோரிதரயோஶ்ச கு³ணயோரேகத்ர ப்ராப்தௌ ப்ரதா⁴நயோரேவ த்³வே தே³வாநிதி மந்த்ரேண க்³ரஹோ யுக்திமாநித்யர்த²: ।
த³ர்ஶபூர்ணமாஸயோர்தே³வாந்நத்வே ஸமநந்தரநிஷேத⁴வாக்யமநுகூலயதி —
யஸ்மாதி³தி ।
இஷ்டியஜநஶீலோ ந ஸ்யாதி³தி ஸம்ப³ந்த⁴: ।
நநு தத்³யஜநஶீலத்வாபா⁴வே குதோ த³ர்ஶபூர்ணமாஸயோர்தே³வார்த²த்வம் ந ஹி தாவந்நிஷ்பந்நௌ தத³ர்தா²வித்யாஶங்க்யா(அ)(அ)ஹ —
இஷ்டிஶப்³தே³நேதி ।
கிம் புநரஸ்மிந்வாக்யே காம்யேஷ்டிவிஷயத்வமிஷ்டிஶப்³த³ஸ்யேத்யத்ர நியாமகம் தத்ர கிலஶப்³த³ஸூசிதாம் பாட²கப்ரஸித்³தி⁴மாஹ —
ஶாதபதீ²தி ।
காம்யேஷ்டீநாமநுஷ்டா²நநிஷேதே⁴ ஸ்வர்க³காமவாக்யவிரோத⁴: ஸ்யாதி³த்யாஶங்க்யா(அ)(அ)ஹ —
தாச்சீ²ல்யேதி ।
தத்ர விஹிதஸ்யோகஞ்ப்ரத்யயஸ்யாத்ர ப்ரயோகா³த்காம்யேஷ்டியஜநப்ரதா⁴நத்வமிஹ நிஷித்⁴யதே தச்ச தே³வப்ரதா⁴நயோர்த³ர்ஶபூர்ணமாஸயோரவஶ்யாநுஷ்டே²யத்வஸித்³த்⁴யர்த²ம் ந து தா: ஸ்வதோ நிஷித்⁴யந்தே தந்ந ஸ்வர்க³காமவாக்யவிரோதோ⁴(அ)ஸ்தீத்யர்த²: ।