ஏகமஸ்யேத்யாதி³மந்த்ரப்³ராஹ்மணயோ: ஸ்வபக்ஷார்த²முக்த்வா ப⁴ர்த்ருப்ரபஞ்சபக்ஷமாஹ —
க்³ருஹிணேதி ।
யத³ந்நம் க்³ருஹிணா ப்ரத்யஹமக்³நௌ வைஶ்வதே³வாக்²யம் நிவர்த்யதே தத்ஸாதா⁴ரணமிதி ப⁴ர்த்ருப்ரபஞ்சைருக்தமித்யர்த²: ।
ஸாதா⁴ரணபதா³நுபபத்தேர்ந யுக்தமித³ம் வ்யாக்²யாநமிதி தூ³ஷயதி —
தந்நேதி ।
வைஶ்வதே³வஸ்ய ஸாதா⁴ரணத்வமப்ராமாணிகமித்யுக்தமிதா³நீம் தஸ்யாப்ரத்யக்ஷத்வாதி³த³மா பராமர்ஶஶ்ச ந யுக்திமாநித்யாஹ —
நாபீதி ।
இதஶ்ச ஸாதா⁴ரணஶப்³தே³ந ஸர்வப்ராண்யந்நம் க்³ராஹ்யமித்யாஹ —
ஸர்வேதி ।
வைஶ்வதே³வக்³ரஹே(அ)பீதரக்³ரஹ: ஸ்யாதி³தி சேந்நேத்யாஹ —
வைஶ்வதே³வேதி ।
யத்து பரபக்ஷே யதி³த³மத்³யத இதி வசோ நாநுகூலமிதி தந்நாஸ்மத்பக்ஷே(அ)ஸ்தீத்யாஹ —
தத்ரேதி ।
ப்ரத்யக்ஷம் ஸாதா⁴ரணாந்நம் ஸப்தம்யர்த²: ।
விபக்ஷே தோ³ஷமாஹ —
யதி³ ஹீதி ।
ப்ரஸம்க³ஸ்யேஷ்டத்வம் நிராசஷ்டே —
இஷ்யதே ஹீதி ।
பரபக்ஷே வாக்யஶேஷவிரோத⁴ம் தோ³ஷாந்தரமாஹ —
ந சேதி ।
ஶ்யேநாதி³துல்யத்வம் தஸ்ய வ்யாவர்தயதி —
ந ச தஸ்யேதி ।
அநிஷித்³த⁴ஸ்யாபி தஸ்ய ஸ்வபா⁴வஜுகு³ப்ஸிதத்வாத்தத³நுஷ்டா²நுயாயிந: பாபாநிவ்ருத்திரித்யாஶங்க்யா(அ)(அ)ஹ —
ந சேதி ।
‘அவஶ்யம் யாதி திர்யக்த்வம் ஜக்³த்⁴வா சைவாஹுதம் ஹவி: ।’
இத்யகரணே வைஶ்வதே³வஸ்ய ப்ரத்யவாயஶ்ரவணாச்ச தத³நுஷ்டா²நுயிநோ ந பாப்மலேஶோ(அ)ஸ்தீத்யாஹ —
அகரணே சேதி ।
ஸர்வஸாதா⁴ணாந்நக்³ரஹே து தத்பரஸ்ய நிந்தா³வசநமுபபத்³யதே தேந ததே³வ க்³ராஹ்யமித்யாஹ —
இதரத்ரேதி ।
தத்ரைவ ஶ்ருத்யந்தரம் ஸம்வாத³யதி —
அஹமிதி ।
அர்தி²ப்⁴யோ(அ)விப⁴ஜ்யாந்நமத³த்த்வா ஸ்வயமேவ பு⁴ஞ்ஜாநம் நரமஹமந்நமேவ ப⁴க்ஷயாமி தமநர்த²பா⁴ஜம் கரோமீத்யர்த²: ।