ஸாத⁴நாத்மகமந்நசதுஷ்டயமந்நாக்ஷயகாரணாம், அக்ஷித்வகு³ணப்ரக்ஷேபேண புருஷோ(அ)பாஸநமஸ்ய ப²லம் சோக்தமிதா³நீமாப்³ராஹ்மணஸமாப்தேருத்தரக்³ரந்த²ஸ்ய தாத்பர்யமாஹ —
பாங்க்தஸ்யேத்யாதி³நா ।
ப்³ராஹ்மணஶேஷஸ்ய தாத்பர்யமுக்த்வா மந்த்ரபே⁴த³மநூத்³யா(அ)(அ)காங்க்ஷாத்³வாரா ப்³ராஹ்மணமுத்தா²ப்ய வ்யாசஷ்டே —
த்ரீணீத்யாதி³நா ।
ஜ்ஞாநகர்மப்⁴யாம் ஸப்தாந்நாநி ஸ்ருஷ்ட்வா சத்வாரி போ⁴க்த்ருப்⁴யோ விப⁴ஜ்ய த்ரீண்யாத்மார்த²ம் கல்பாதௌ³ பிதா கல்பிதவாநித்யர்த²: ।
அந்யத்ரேத்யாதி³ வாக்யமுபாத³த்தே —
தேஷாமிதி ।
ஷஷ்டீ² நிர்தா⁴ரணார்தா² ।
தத்ர மநஸோ(அ)ஸ்தித்வமாதௌ³ ஸாத⁴யதி —
அஸ்தி தாவதி³தி ।
ஆத்மேந்த்³ரியார்த²ஸாந்நித்⁴யே ஸத்யபி கதா³சிதே³வார்த²தீ⁴ர்ஜாயமாநா ஹேத்வந்தரமாக்ஷிபதி । ந சாத்³ருஷ்டாதி³ ஸதி³தி யுக்தம் தஸ்ய த்³ருஷ்டஸம்பாத³த்வாத்தஸ்மாத³ர்தா²தி³ஸாந்நித்⁴யே ஜ்ஞாநகாதா³சித்கத்வாநுபபத்திர்மந:ஸாதி⁴கேத்யர்த²: ।
லோகப்ரஸித்³தி⁴ரபி தத்ர ப்ரமாணமித்யாஹ —
யத இதி ।
அதோ(அ)ஸ்தி பா³ஹ்யகாரணாத³திரிக்தம் விஷயக்³ராஹி காரணமிதி ஶேஷ: ।
தாமேவ ப்ரஸித்³தி⁴முதா³ஹரணநிஷ்ட²தயோதா³ஹரதி —
கிம் த்³ருஷ்டவாநித்யாதி³நா ।
தத்ரைவாந்வயவ்யதிரேகாவுபந்யஸ்யதி —
தஸ்மாதி³தி ।
யதோ²க்தார்தா²பத்திலோகப்ரஸித்³தி⁴வஶாதி³தி யாவத் । விமதமாத்மாத்³யதிரிக்தாபேக்ஷம் தஸ்மிந்ஸத்யபி காதா³சித்வாத்³க⁴டவதி³த்யநுமாநம் (ச) தச்ச²ப்³தா³ர்த²: । தஸ்மாத³நுமாநாத³ந்யத³ஸ்தி மநோ நாமேதி ஸம்ப³ந்த⁴: ரூபாதி³க்³ரஹணஸமர்த²ஸ்யாபி ஸத இதி ப்ரமாதோச்யதே ।
அந்த:கரணஸ்ய சக்ஷுராதி³ப்⁴யோ வைலக்ஷண்யமாஹ —
ஸர்வேதி ।
ஸமநந்தரவாக்யம் ப²லிதார்த²விஷயத்வேநா(அ)(அ)த³த்தே —
தஸ்மாதி³தி ।
தச்ச²ப்³தே³நோக்தம் ஹேதும் ஸ்பஷ்டயதி —
தத்³வ்யக்³ரத்வ இதி ।