ವಿಜ್ಞಾತಾದಿವಾಕ್ಯಮಾದಾಯ ತದ್ಗತಂ ವಿಶೇಷಂ ದರ್ಶಯತಿ —

ವಿಜ್ಞಾತಮಿತಿ ।

ವಿಜ್ಞಾತಂ ಸರ್ವಂ ವಾಚೋ ರೂಪಮಿತಿ ಪ್ರತಿಜ್ಞಾತೋಽರ್ಥಃ ಸಪ್ತಮ್ಯರ್ಥಃ ।

ಪ್ರಕಾಶಕತ್ವೇಽಪಿ ಕಥಂ ವಾಚೋ ವಿಜ್ಞಾತತ್ವಮಿತ್ಯಾಶಂಕ್ಯಾಽಽಹ —

ಕಥಮಿತಿ ।

ಪ್ರಕಾಶಾತ್ಮಕತ್ವಮೇವ ಕುತೋ ವಾಚಃ ಸಿದ್ಧಮಿತ್ಯಾಶಂಕ್ಯಾಽಽಹ —

ವಾಚೇತಿ ।

ವಾಗ್ವಿಶೇಷಸ್ತದ್ವಿಭೂತಿಃ ॥೮॥ ಸಂದಿಹ್ಯಮಾನಾಕಾರತ್ವಾತ್ಸಂಕಲ್ಪವಿಕಲ್ಪಾತ್ಮಕತ್ವಾದಿತಿ ಯಾವತ್ । ತಸ್ಮಾತ್ಸರ್ವಂ ವಿಜಿಜ್ಞಾಸ್ಯಂ ಮನೋರೂಪಮಿತಿ ಸಂಬಂಧಃ । ಪೂರ್ವವದ್ವಾಗ್ವಿಭೂತಿವಿದೋ ಯಥಾ ಫಲಮುಕ್ತಂ ತದ್ವದಿತಿ ಯಾವತ್ ॥೯॥