ஆவேஶப்ரகாரபு³பு⁴த்ஸாயாமுத்தரவாக்யப்ரவ்ருத்திம் ப்ரதிஜாநீதே —
கத²மித்யதி³நா ।
ப்ருதி²வ்யை சேத்யாதி³வாக்யஸ்ய வ்யாவர்த்யம் பக்ஷம் வ்ருத்தாநுவாத³பூர்வகமுத்தா²பயதி —
ஏவமிதி ।
அத்ரேதி வைதி³கம் பக்ஷம் நிர்தா⁴ரயிதும் ஸப்தமீ ।
ப³ஹுவத³நஶீலத்வே ஹேது: —
ஶ்ருத்யுக்தேதி ।
மோக்ஷார்த²தாம்ருணாபாகரணஶ்ருதிஸ்ம்ருதிப்⁴யாம் வத³ந்தீதி ஶேஷ: ।
மீமாம்ஸகபக்ஷம் ப்ரக்ருதஶ்ருதிவிரோதே⁴ந தூ³ஷயதி —
தேஷாமிதி ।
கத²மித்யாஶங்க்ய ஶ்ருதேராதி³மத்⁴யாவஸாநாலோசநயா புத்ராதே³: ஸம்ஸாரப²லத்வாவக³மாந்ந முக்திப²லதேத்யாஹ —
ஜாயேத்யாதி³நா ।
புத்ராதீ³நாஞ்சேதி சகாராதே³தாவாந்வை காம இதி மத்⁴யஸம்க்³ரஹ: ।
யது³க்தம்ருணாபாகரணஶ்ருதிஸ்ம்ருதிப்⁴யாம் புத்ராதே³ர்முக்திப²லதேதி தத்ரா(அ)(அ)ஹ —
தஸ்மாதி³தி ।
புத்ராதே³: ஶ்ருதம் ஸம்ஸாரப²லத்வம் பராம்ரஷ்டும் தச்ச²ப்³த³: । ஶ்ருதிஶப்³த³: ஸ்ம்ருதேருபலக்ஷணார்த²: ।
ஶ்ருதிஸ்ம்ருத்யோரவிரக்தவிஷயத்வே வாக்யஶேஷமநுகூலயதி —
வக்ஷ்யதி சேதி ।