ಪೃಥಿವ್ಯೈ ಚೇತ್ಯಾದಿವಾಕ್ಯಾವಷ್ಟಂಭೇನ ಪಕ್ಷದ್ವಯಂ ಪ್ರತಿಕ್ಷಿಪ್ಯ ತದಕ್ಷರಾಣಿ ವ್ಯಚಷ್ಟೇ —
ಪೃಥಿವ್ಯಾ ಇತಿ ।
ಏನಮಿತ್ಯುಕ್ತಮನೂದ್ಯ ವ್ಯಾಕರೋತಿ —
ಏನಮಿತಿ ।
ಕಥಂ ಪುನಃ ಸೂತ್ರಾತ್ಮಭೂತಾ ವಾಗುಪಾಸಕಮಾವಿಶತಿ ತತ್ರಾಹ —
ಸರ್ವೇಷಾಂ ಹೀತಿ ।
ತರ್ಹಿ ತಯೋರಭೇದಾದವಿದುಷೋಽಪಿ ವ್ಯಾಪ್ತೈವ ವಾಗಿತಿ ವಿದುಷಿ ವಿಶೇಷೋ ನಾಸ್ತೀತ್ಯಾಶಂಕ್ಯಾಽಽಹ —
ಸಾ ಹೀತಿ ।
ದೈವ್ಯಾಂ ವಾಚಿ ದೋಷವಿಗಮಮುತ್ತರವಾಕ್ಯೇನ ಸಾಧಯತಿ —
ಸಾ ಚೇತಿ ।
ವಿದ್ವದ್ವಾಚಃ ಸ್ವರೂಪಂ ಸಂಕ್ಷಿಪತಿ —
ಅಮೋಘೇತಿ ॥೧೮॥