अद्वैतशारदा | दक्षिणाम्नाय श्रीशारदापीठम्, शृङ्गेरी

ಬೃಹದಾರಣ್ಯಕೋಪನಿಷದ್ಭಾಷ್ಯಮ್

ಪ್ರಥಮೋಽಧ್ಯಾಯಃಪಂಚಮಂ ಬ್ರಾಹ್ಮಣಮ್

ಆನಂದಗಿರಿಟೀಕಾ (ಬೃಹದಾರಣ್ಯಕ)

ದಿವಶ್ಚೈನಮಾದಿತ್ಯಾಚ್ಚ ದೈವಂ ಮನ ಆವಿಶತಿ ತದ್ವೈ ದೈವಂ ಮನೋ ಯೇನಾನಂದ್ಯೇವ ಭವತ್ಯಥೋ ನ ಶೋಚತಿ ॥ ೧೯ ॥

ತಥಾ ದಿವಶ್ಚೈನಮಾದಿತ್ಯಾಚ್ಚ ದೈವಂ ಮನ ಆವಿಶತಿ — ತಚ್ಚ ದೈವಂ ಮನಃ, ಸ್ವಭಾವನಿರ್ಮಲತ್ವಾತ್ ; ಯೇನ ಮನಸಾ ಅಸೌ ಆನಂದ್ಯೇವ ಭವತಿ ಸುಖ್ಯೇವ ಭವತಿ ; ಅಥೋ ಅಪಿ ನ ಶೋಚತಿ, ಶೋಕಾದಿನಿಮಿತ್ತಾಸಂಯೋಗಾತ್ ॥

ತಥೇತಿ ; ಯೇನೇತಿ ;

ವಾಚಿ ದರ್ಶಿತನ್ಯಾಯಂ ಮನಸ್ಯತಿದಿಶತಿ —

ತಥೇತಿ ।

ಯನ್ಮನಃ ಸ್ವಭಾವನಿರ್ಮಲತ್ವೇನ ದೈವಮಿತ್ಯುಕ್ತಂ ತದೇವ ವಿಶಿನಷ್ಟಿ —

ಯೇನೇತಿ ।

ಅಸಾವಿತಿ ವಿದ್ವದುಕ್ತಿಃ । ಯೇನ ಮನಸಾ ವಿದ್ವಾನ್ನ ಶೋಚತ್ಯಪಿ ತದ್ಧೇತ್ವಭಾವಾತ್ತದ್ದೈವಮಿತಿ ಪೂರ್ವೇಣ ಸಂಬಂಧಃ ॥೧೯॥