अद्वैतशारदा | दक्षिणाम्नाय श्रीशारदापीठम्, शृङ्गेरी

ಅಥ ರೂಪಾಣಾಂ ಚಕ್ಷುರಿತ್ಯೇತದೇಷಾಮುಕ್ಥಮತೋ ಹಿ ಸರ್ವಾಣಿ ರೂಪಾಣ್ಯುತ್ತಿಷ್ಠಂತ್ಯೇತದೇಷಾಂ ಸಾಮೈತದ್ಧಿ ಸರ್ವೈ ರೂಪೈಃ ಸಮಮೇತದೇಷಾಂ ಬ್ರಹ್ಮೈತದ್ಧಿ ಸರ್ವಾಣಿ ರೂಪಾಣಿ ಬಿಭರ್ತಿ ॥ ೨ ॥

ಅಥೇದಾನೀಂ ರೂಪಾಣಾಂ ಸಿತಾಸಿತಪ್ರಭೃತೀನಾಮ್ — ಚಕ್ಷುರಿತಿ ಚಕ್ಷುರ್ವಿಷಯಸಾಮಾನ್ಯಂ ಚಕ್ಷುಃಶಬ್ದಾಭಿಧೇಯಂ ರೂಪಸಾಮಾನ್ಯಂ ಪ್ರಕಾಶ್ಯಮಾತ್ರಮಭಿಧೀಯತೇ । ಅತೋ ಹಿ ಸರ್ವಾಣಿ ರೂಪಾಣ್ಯುತ್ತಿಷ್ಠಂತಿ, ಏತದೇಷಾಂ ಸಾಮ, ಏತದ್ಧಿ ಸರ್ವೈ ರೂಪೈಃ ಸಮಮ್ , ಏತದೇಷಾಂ ಬ್ರಹ್ಮ, ಏತದ್ಧಿ ಸರ್ವಾಣಿ ರೂಪಾಣಿ ಬಿಭರ್ತಿ ॥

ಅಥೇತ್ಯಾದಿನಾ ;

ತತ್ರ ವ್ಯಾಖ್ಯಾನಸಾಪೇಕ್ಷಾಣಿ ಪದಾನಿ ವ್ಯಾಕರೋತಿ —

ಅಥೇತ್ಯಾದಿನಾ ।

ನಾಮವ್ಯಾಖ್ಯಾನಾನಂತರ್ಯಮಥಶಬ್ದಾರ್ಥಃ । ಚಕ್ಷುರುಕ್ಥಮಿತಿ ಸಂಬಂಧಃ । ಚಕ್ಷುರಿತಿ ಚಕ್ಷುಃಶಬ್ದಾಭಿಧೇಯಂ ಚಕ್ಷುವಿಷಯಸಾಮಾನ್ಯಮಭಿಧೀಯತೇ ತಚ್ಚ ರೂಪಸಾಮಾನ್ಯಂ ತದಪಿ ಪ್ರಕಾಶ್ಯಮಾತ್ರಮಿತಿ ಯೋಜನಾ ॥೨॥