ஸ்வப்நே(அ)பி ஶுத்³தி⁴ருக்தா கிம் ஸுஷுப்திக்³ரஹேணேத்யாஶங்க்யா(அ)(அ)ஹ —
யதே³தி ।
க³தோ ப⁴வதி ததா³ ஸுதராமஸ்ய ஶுத்³தி⁴: ஸித்⁴யதீதி ஶேஷ: ।
தமேவ ஸுப்திகாலம் ப்ரஶ்நபூர்வகம் ப்ரகடயதி —
கதே³தி ।
விகல்பம் வ்யாவர்தயதி —
பூர்வம் த்விதி ।
வ்ருத்தமநூத்³ய ப்ரஶ்நபூர்வகம் ஸுஷுப்திக³திப்ரகாரம் த³ர்ஶயதி —
ஏவம் தாவதி³தி ।
ஹிதப²லப்ராப்திநிமித்தத்வாந்நாட்³யோ ஹிதா உச்யதே ।
தாஸாம் தே³ஹஸம்ப³ந்தா⁴நாமந்வயவ்யதிரேகாப்⁴யாமந்நரஸவிகாரத்வமாஹ —
அந்நேதி ।
தாஸாமேவ மத்⁴யமஸம்க்²யாம் கத²யதி —
தாஶ்சேதி ।
தாஸாம் ச ஹ்ருத³யஸம்ப³ந்தி⁴நீநாம் ததோ நிர்க³த்ய தே³ஹவ்யாப்த்யா ப³ஹிர்முக²த்வமாஹ —
ஹ்ருத³யாதி³தி ।
தாபி⁴ரித்யாதி³ வ்யாகர்தும் பூ⁴மிகாங்கரோதி —
தத்ரேதி ।
ஶரீரம் ஸப்தம்யர்த²: ।
ஶரீரே கரணாநாம் பு³த்³தி⁴தந்த்ரத்வே கிம் ஸ்யாத்ததா³ஹ —
தேநேதி ।
ததா²(அ)பி ஜீவஸ்ய கிமாயாதமித்யாஶங்க்யா(அ)(அ)ஹ —
தாம் விஜ்ஞாநமய இதி ।
போ⁴க³ஶப்³தோ³ ஜாக³ரவிஷய: ।
பு³த்³தி⁴விகாஸமநுப⁴வந்நாத்மா ஜாக³ர்தீத்யுச்யதே, தத்ஸம்கோசம் சாநுப⁴வந்ஸ்வபிதீத்யத்ர ஹேதுமாஹ —
பு³த்³தீ⁴தி ।
பு³த்³த்⁴யநுவிதா⁴யித்வம் பராம்ருஶ்ய தாபி⁴ரித்யாதி³ வ்யாசஷ்டே —
தஸ்மாதி³தி ।
ப்ரத்யவஸர்பணம் வ்யாவர்தநம் ।
பதா³ர்த²முக்த்வா வாக்யார்த²மாஹ —
தப்தமிவேதி ।
கர்மத்வே தே³ஹஸ்ய கர்த்ருத்வே சா(அ)(அ)த்மநோ த்³ருஷ்டாந்தத்³வயம் ।
ஹ்ருத³யாகாஶே ப்³ரஹ்மணி ஶேதே விஜ்ஞாநாத்மேத்யுக்த்வா புரீததி ஶயநமாசக்ஷாணஸ்ய பூர்வாபரவிரோத⁴: ஸ்யாதி³த்யாஶங்க்யா(அ)(அ)ஹ —
ஸ்வாபா⁴விக இதி ।
ஔபசாரிகமித³ம் வசநமித்யத்ர ஹேதுமாஹ —
ந ஹீதி ।
இயமவஸ்தே²தி ப்ரக்ருதா ஸுஷுப்திருச்யதே ।
உக்தேஷு த்³ருஷ்டாந்தேஷு விவக்ஷிதமம்ஶம் த³ர்ஶயதி —
ஏஷாஞ்சேதி ।
து³:க²மபி தேஷாம் ப்ரஸித்³த⁴மித்யாஶங்க்யா(அ)(அ)ஹ —
விக்ரியமாணாநாம் ஹீதி ।
குமாராதி³ஸ்வாபஸ்யைவ த்³ருஷ்டாந்தத்வம் கிம் ந ஸ்யாதி³த்யாஶங்க்யா(அ)(அ)ஹ —
ந தேஷாமிதி ।
தத்ஸ்வாபஸ்ய த்³ருஷ்டாந்தத்வமஸ்மத்ஸ்வாபஸ்ய தா³ர்ஷ்டாந்திகமிதி விபா⁴க³மாஶங்க்யா(அ)(அ)ஹ —
விஶேஷாபா⁴வாதி³தி ।
க்வைஷ ததா³(அ)பூ⁴தி³தி ப்ரஶ்நஸ்யோத்தரமுபபாதி³தமுபஸம்ஹரதி —
ஏவமிதி ।