ஶாஸ்த்ரீயமப்யேகத்வமநிஷ்டப்ரஸம்கா³ந்ந ஸ்வீகர்தவ்யமிதி ஶங்கதே —
யதே³தி ।
பரஸ்ய ஸம்ஸாரித்வே தத³ஸம்ஸாரித்வஶாஸ்த்ராநர்த²க்யம் ப²லிதமாஹ —
ததா² சேதி ।
ஸம்ஸாரிணோ(அ)நந்யஸ்யாபி பரஸ்யாஸம்ஸாரித்வே ஸம்ஸாரித்வாபி⁴மதோ(அ)ப்யஸம்ஸாரீத்யுபதே³ஶாநர்த²க்யம் தம் விநைவ முக்திஸித்³தி⁴ரிதி தோ³ஷாந்தரமாஹ —
அஸம்ஸாரித்வே சேதி ।
தத்ரா(அ)(அ)த்³யம் தோ³ஷம் விவ்ருணோதி —
யதி³ தாவதி³தி ।
‘ந லிப்யதே லோகது³:கே²ந பா³ஹ்ய’ இத்யாத்³யா: ஶ்ருதய: । ‘யஸ்ய நாஹங்க்ருதோ பா⁴வோ பு³த்³தி⁴ர்யஸ்ய ந லிப்யதே’(ப⁴.கீ³.18-17) இத்யாத்³யா: ஸ்ம்ருதய: । கூடஸ்தா²ஸம்க³த்வாத³யோ ந்யாயா: ।
த்³விதீயம் தோ³ஷப்ரஸம்க³மாபாத்³ய ப்ரகடயதி —
அதே²த்யாதி³நா ।
தோ³ஷத்³வயே ஸ்வயூத்²யஸமாதி⁴முத்தா²பயதி —
அத்ரேதி ।
கத²ம் தர்ஹி தஸ்ய கார்யே ப்ரவிஷ்டஸ்ய ஜீவத்வம் தத்ரா(அ)(அ)ஹ —
கிம் தர்ஹீதி ।
ஜீவஸ்ய ப்³ரஹ்மவிகாரத்வே(அ)பி ததோ பே⁴தா³ந்நாஹம் ப்³ரஹ்மேதி தீ⁴: அபே⁴தே³ ப்³ரஹ்மணோ(அ)பி ஸம்ஸாரிதேத்யாஶங்க்யா(அ)(அ)ஹ —
ஸ சேதி ।
ததா²(அ)பி கத²ம் ஶங்கிததோ³ஷாபா⁴வஸ்தத்ரா(அ)(அ)ஹ —
யேநேதி ।
ஏவமிதி பி⁴ந்நாபி⁴ந்நத்வபராமர்ஶ: । ஸர்வமித்யுபதே³ஶாதி³நிர்தே³ஶ: ।