தத்த்வமஸ்யாதி³வாக்யமைக்யபரம் தச்சே²ஷ: ஸ்ருஷ்ட்யாதி³வாக்யமித்யுக்தே(அ)ர்தே² த்³ரவிடா³சார்யஸம்மதிமாஹ —
அத்ர சேதி ।
தத்ர த்³ருஷ்டாந்தரூபாமாக்²யாயிகாம் ப்ரமாணயதி —
கஶ்சிதி³தி ।
ஜாதமாத்ரே ப்ராக³வஸ்தா²யாமேவ ராஜா(அ)ஸீத்யபி⁴மாநாபி⁴வ்யக்தேரித்யர்த²: । தாப்⁴யாம் தத்பரித்யாகே³ நிமித்தவிஶேஷஸ்யாநிஶ்சிதத்வத்³யோதநார்த²ம் கிலேத்யுக்தம் । வ்யாதி⁴ஜாதி ப்ரத்யய: தத்ப்ரயுக்தோ வ்யாதோ⁴(அ)ஸ்மீத்யபி⁴மாநோ யஸ்ய ஸ ததா² வ்யாத⁴ஜாதகர்மாணி தத்ப்ரயுக்தாநி மாம்ஸவிக்ரயணாதீ³நி । ராஜா(அ)ஸ்மீத்யபி⁴மாநபூர்வகம் தஜ்ஜாதிப்ரயுக்தாநி பரிபாலநாதீ³நி கர்மாணி ।
அஜ்ஞாநம் தத்கார்யம் சோக்த்வா ஜ்ஞாநம் தத்ப²லம் ச த³ர்ஶயதி —
யதே³த்யாதி³நா ।
போ³த⁴நப்ரகாரமபி⁴நயதி —
ந த்வமிதி ।
கத²ம் தர்ஹி ஶப³ரவேஶ்மப்ரவேஶஸ்தத்ரா(அ)(அ)ஹ —
கத²ஞ்சிதி³தி ।
ராஜா(அ)ஹமஸ்மீத்யபி⁴மாநபூர்வகமாத்மந: பித்ருபைதாமஹீம் பத³வீமநுவர்தத இதி ஸம்ப³ந்த⁴: ।
தா³ர்ஷ்டாந்திகரூபாமாக்²யாயிகாமாசஷ்டே —
ததே²தி ।
ஜீவஸ்ய பரஸ்மாத்³விபா⁴கே³ நிமித்தமஜ்ஞாநம் தத்கார்யஞ்ச ப்ரஸித்³த⁴மிதி த்³யோதயிதும் கிலேத்யுக்தம் ।
ஸம்ஸாரத⁴ர்மாநுவர்தநே ஹேதுமாஹ —
பரமாத்மதாமிதி ।
உக்தாவித்³யாதத்கார்யவிரோதி⁴நீம் ப்³ரஹ்மாத்மவித்³யாம் லம்ப⁴யதி —
ந த்வமிதி ।
ராஜபுத்ரஸ்ய ராஜா(அ)ஸ்மீதி ப்ரத்யயவத்³வாக்யாதே³வாதி⁴காரிணி ப்³ரஹ்மாஸ்மீதி ப்ரத்யயஶ்சேத்க்ருதம் விஸ்பு²லிங்கா³தி³த்³ருஷ்டாந்தஶ்ருத்யேத்யாஶங்க்யா(அ)(அ)ஹ —
அத்ரேதி ।
ததா²(அ)பி கத²ம் ப்³ரஹ்மப்ரத்யயதா³ர்ட்⁴யம் தத்ரா(அ)(அ)ஹ —
விஸ்பு²லிங்க³ஸ்யேதி ।
த்³ருஷ்டாந்தேஷ்வேகத்வத³ர்ஶநம் தஸ்மாதி³தி பராம்ருஷ்டம் ।
உத்பத்த்யாதி³பே⁴தே³ நாஸ்தி ஶாஸ்த்ரதாத்பர்யமித்யத்ர ஹேத்வந்தரமாஹ —
ஸைந்த⁴வேதி ।
சகாரோ(அ)வதா⁴ரணாதி³தி பத³மநுகர்ஷதி ।
ஸம்க்³ருஹீதமர்த²ம் விவ்ருணோதி —
யதி³ சேத்யாதி³நா ।
நிந்தா³வசநம் ச ந ப்ராயோக்ஷ்யதேதி ஸம்ப³ந்த⁴: ।
ஏகத்வஸ்யாவதா⁴ரணப²லமாஹ —
தஸ்மாதி³தி ।
ஏகத்வஸ்ய பே⁴த³ஸஹத்வம் வாரயிதுமேகரூபவிஶேஷணம் । ஆதி³ஶப்³தே³ந ப்ரவேஶநியமநே க்³ருஹ்யேதே । ந தத்ப்ரத்யயகரணாயேத்யத்ர தச்ச²ப்³தே³நோத்பத்த்யாதி³பே⁴தோ³ விவக்ஷித: ।