ந்யாயாக³மாப்⁴யாம் ஜீவேஶ்வரயோரம்ஶாம்ஶித்வாதி³கல்பநாம் நிராக்ருத்ய வேதா³ந்தாநாமைக்யபரத்வே ஸ்தி²தே ஸதி த்³வைதாஸித்³தி⁴: ப²லதீத்யாஹ —
ஸர்வோபநிஷதா³மிதி ।
ஏகத்வஜ்ஞாநஸ்ய ஸநிதா³நத்³வைதத்⁴வம்ஸித்வமத²ஶப்³தா³ர்த²: । ப்ரக்ருதம் ஜ்ஞாநம் தத்பதே³ந பராம்ருஶ்யதே । இத்யத்³வைதமேவ தத்த்வமிதி ஶேஷ: ।
கிமர்த²மிதி ப்ரஶ்நம் மந்வாநோ த்³வைதிநாம் மதமுத்தா²பயதி —
கர்மகாண்டே³தி ।
வேதா³ந்தாநாமைக்யபரத்வே(அ)பி கத²ம் தத்ப்ராமாண்யவிரோத⁴ப்ரஸம்க³ஸ்தத்ரா(அ)(அ)ஹ —
கர்மேதி ।
ததா²(அ)பி கத²ம் விரோதா⁴வகாஶ: ஸ்யாதி³த்யாஶங்க்யா(அ)(அ)ஹ —
விஜ்ஞாநாத்மேதி ।
கேவலாத்³வைதபக்ஷே கர்மகாண்ட³விரோத⁴முக்த்வா தத்ரைவ ஜ்ஞாநகாண்ட³விரோத⁴மாஹ —
கஸ்ய வேதி ।
பரஸ்ய நித்யமுக்தத்வாத³ந்யஸ்ய ஸ்வத: பரதோ வா ப³த்³த⁴ஸ்யாபா⁴வாச்சி²ஷ்யாபா⁴வஸ்ததா² சாதி⁴கார்யபா⁴வாது³பநிஷதா³ரம்பா⁴ஸித்³தி⁴ரித்யர்த²: ।
கர்மகாண்டா³ஸ்ய காண்டா³ந்தரஸ்ய ச ப்ராமாண்யாநுபபத்திர்விஜ்ஞாநாத்மாபே⁴த³ம் கல்பயதீத்யர்தா²பத்தித்³வயமுக்தம் தத்ர த்³விதீயாமர்தா²பத்திம் ப்ரபஞ்சயதி —
அபி சேதி ।
கா புநருபதே³ஶஸ்யாநுபபத்திஸ்தத்ரா(அ)(அ)ஹ —
ப³த்³த⁴ஸ்யேதி ।
தத³பா⁴வ இத்யத்ர தச்ச²ப்³தோ³ ப³த்³த⁴மதி⁴கரோதி । நிர்விஷயம் நிரதி⁴காரம் । கிஞ்ச யத்³யர்தா²பத்தித்³வயமுக்த்வா வித⁴யோத்திஷ்ட²தி தர்ஹி பே⁴த³ஸ்ய து³ர்நிரூபத்வாத்கத²ம் கர்மகாண்ட³ம் ப்ரமாணமிதி யத்³ப்³ரஹ்மவாதி³நா கர்மவாதீ³ சோத்³யதே தத்³ப்³ரஹ்மவாத³ஸ்ய கர்மவாதே³ந துல்யம் । ப்³ரஹ்மவாதே³(அ)பி ஶிஷ்யஶாஸித்ராதி³பே⁴தா³பா⁴வே கத²முபநிஷத்ப்ராமாண்யமித்யாக்ஷேப்தும் ஸுகரத்வாத்³யஶ்சோபநிஷதா³ம் ப்ரதீயமாநம் ஶிஷ்யஶாஸித்ராதி³பே⁴த³மாஶ்ரித்ய ப்ராமாண்யமிதி பரிஹார: ஸ கர்மகாண்ட³ஸ்யாபி ஸமாந: ।
தத்ராபி ப்ராதீதிகபே⁴த³மாதா³ய ப்ராமாண்யஸ்ய ஸுப்ரதிபந்நத்வாத் ந ச பே⁴த³ப்ரதீதிர்ப்⁴ராந்திர்பா³தா⁴பா⁴வாதி³த்யபி⁴ப்ரேத்யா(அ)(அ)ஹ —
ஏவம் தர்ஹீதி ।
சோத்³யஸாம்யம் விவ்ருணோதி —
யேநேதி ।
இதி சோத்³யஸாம்யாத்பரிஹாரஸ்யாபி ஸாம்யமிதி ஶேஷ: ।
நநு கர்மகாண்ட³ம் பே⁴த³பரம் ப்³ரஹ்மகாண்ட³மபே⁴த³பரம் ப்ரதிபா⁴தி ந ச வஸ்துநி விகல்ப: ஸம்ப⁴வத்யதோ(அ)ந்யதரஸ்யா(அ)ப்ராமாண்யமத ஆஹ —
ஏவம் தர்ஹீதி ।
துல்யமுபநிஷதா³மபி ஸ்வார்தா²விகா⁴தகத்வமித்யாஶங்க்யா(அ)(அ)ஹ —
உபநிஷதா³மிதி ।
ஸ்வார்த²: ஶப்³த³ஶக்திவஶாத்ப்ரதீயமாந: ஸ்ருஷ்ட்யாதி³பே⁴த³: ।
யத்தூச்யதே கர்மகாண்ட³ஸ்ய வ்யாவஹாரிகம் ப்ராமாண்யம் ந தாத்த்விகம் , தாத்த்விகம் து காண்டா³ந்தரஸ்யேதி தத்ரா(அ)(அ)ஹ —
ந ஹீதி ।
யத்³தி⁴ ப்ராமாண்யஸ்ய வ்யாவஹாரிகத்வம் ததே³வ தஸ்ய தாத்த்விகத்வம் ந ஹி ப்ரமாணம் தத்த்வம் ச நா(அ)(அ)வேத³யதி வ்யாகா⁴தாதி³த்யபி⁴ப்ரேத்ய த்³ருஷ்டாந்தமாஹ —
ந ஹீதி ।
ஸ்வார்த²விகா⁴தாத்கர்மகாண்ட³விரோதா⁴ச்சோபநிஷதா³மப்ராமாண்யமித்யுக்தமுபஸம்ஹர்துமிதிஶப்³த³: ।
உபநிஷத³ப்ராமாண்யே ஹேத்வந்தரமாஹ —
ப்ரத்யக்ஷாதீ³தி ।
ப்ரத்யக்ஷாதீ³நி நிஶ்சிதாநி பே⁴த³ப்ரதிபத்த்யர்தா²நி ப்ரமாணாநி தைரிதி விக்³ரஹ: ।
அத்⁴யயநவித்⁴யுபாதா³பிதாநாம் குதஸ்தாஸாமப்ராமாண்யமித்யாஶங்க்யா(அ)(அ)ஹ —
அந்யார்த²தா வேதி ।