ஸித்³தா⁴ந்தயதி —
நேத்யாதி³நா ।
ததே³வ ஸ்பு²டயிதும் ஸாமாந்யந்யாயமாஹ —
ப்ரமாணஸ்யேதி ।
ஸ்வார்தே² ப்ரமோத்பாத³கத்வாபா⁴வே(அ)பி ப்ராமாண்யமிச்ச²ந்தம் ப்ரத்யாஹ —
அந்யதே²தி ।
யதோ²க்தப்ரயோஜகப்ரயுக்தம் ப்ராமாண்யமப்ராமாண்யம் வேத்யேதஸ்மிந்பக்ஷே கிம் ப²லதீதி ப்ருச்ச²தி —
கிஞ்சேதி ।
தத்ர கிமுபநிஷத³: ஸ்வார்த²ம் போ³த⁴யந்தி ந வேதி விகல்ப்யா(அ)(அ)த்³யமநூத்³ய தூ³ஷயதி —
யதி³ தாவதி³தி ।
த்³விதீயமுத்தா²ப்ய நிராகரோதி —
நேத்யாதி³நா ।
அக்³நிர்யதா² ஶீதம் ந கரோதி ததோ²பநிஷதோ³(அ)பி ப்³ரஹ்மைகத்வே ப்ரமாம் ந குர்வந்தீதி வத³ந்தம் ப்ரதி ப்ரதிப³ந்தி³க்³ரஹோ ந யுக்தோ(அ)நுப⁴வவிரோதா⁴தி³த்யஶங்க்யா(அ)(அ)ஹ —
யதீ³தி ।
தர்ஹி ஸ்வார்தே² ப்ரமிதிஜநகத்வாத்³வாக்யஸ்ய ப்ராமாண்யம் ஸ்யாதி³த்யாஶங்க்யா(அ)(அ)ஹ —
ப்ரதிஷேதே⁴தி ।
உபநிஷத³ப்ராமாண்யே ப⁴வத்³வாக்யாப்ராமாண்யம் தத்ப்ராமாண்யே தூபநிஷத்ப்ராமாண்யம் து³ர்வாரமிதி ஸாம்யே ப்ராப்தே வ்யவஸ்தா²பக: ஸமாதி⁴ர்வக்தவ்ய இத்யாஹ —
அத்ரேதி ।
உக்தமேவார்த²ம் சோத்³யஸமாதி⁴ப்⁴யாம் விஶத³யதி —
நந்வித்யாதி³நா ।
ப்ரதிஷேத⁴மங்கீ³க்ருத்யோக்தா ।
யதோ²க்தோபநிஷது³பலம்பே⁴ ஸதி தஸ்ய நிரவகாஶத்வாத்ப்ரத்³வேஷாநுபபத்திரித்யாஹ —
ப்ரதிஷேதே⁴தி ।
உபநிஷது³த்தா²யா தி⁴யோ வைப²ல்யாத்தாஸாமமாநதேத்யாஶங்க்யா(அ)(அ)ஹ —
ஶோகேதி ।
ஏகத்வப்ரதிபத்திஸ்தாவதா³பாதேந ஜாயதே । ஸா ச விசாரம் ப்ரயுஜ்ய மநநாதி³த்³வாரா த்³ருடீ⁴ப⁴வதி । ஸா புநரஶேஷம் ஶோகாதி³கமபநயதீதி பாரம்பர்யஜநிதம் ப²லமிதி த்³ரஷ்டவ்யம் ।
ஸ்வார்தே² ப்ரமாஜநகத்வாது³பநிஷதா³ம் ப்ராமாண்யமித்யுக்தமுபஸம்ஹரதி —
தஸ்மாதி³தி ।