ஸ்வார்த²விகா⁴தகத்வாத³ப்ராமாண்யமுபநிஷதா³மித்யேதந்நிராக்ருத்ய சோத்³யந்தரமநூத்³ய நிராகரோதி —
யச்சேத்யாதி³நா ।
தஸ்மிந்நிதீஷ்டார்த²ப்ராபகஸாத⁴நோக்தி: ।
நநூபநிஷத்³வாக்யம் ப்³ரஹ்மாத்மைகத்வம் ஸாக்ஷாத்ப்ரதிபாத³யத³ர்தா²த்கர்மகாண்ட³ப்ராமாண்யவிகா⁴தகமிதி சேத்தத்ர தத³ப்ராமாண்யமநுபபத்திலக்ஷணம் விபர்யாஸலக்ஷணம் வேதி விகல்ப்யா(அ)(அ)த்³யமநூத்³ய தூ³ஷயதி —
ந சேதி ।
விதி³தபத³தத³ர்த²ஸம்க³தேர்வாக்யார்த²ந்யாயவித³ஸ்தத³ர்தே²ஷு ப்ரமோத்பத்தித³ர்ஶநாதி³த்யர்த²: ।
ஸ்வார்தே² ப்ரமாமுத்பாத³யதி வாக்யம் மாநாந்தரவிரோதா⁴த³ப்ரமாணமித்யாஶங்க்யா(அ)(அ)ஹ —
அஸாதா⁴ரணே சேதி³தி ।
ஸ்வகோ³சரஶூரத்வாத்ப்ரமாணாநாமித்யர்த²: ।
விமதம் ந ப்ரமோத்பாத³கம் ப்ரமாணாஹ்ருதவிஷயத்வாத³நுஷ்ணாக்³நிவாக்யவதி³தி ஶங்கதே —
ப்³ரஹ்மேதி ।
ப்ரத்யக்ஷவிரோதா⁴த³நுமாநமநவகாஶமிதி பரிஹரதி —
நேத்யாதி³நா ।
இதஶ்ச கர்மகாண்ட³ஸ்ய நாப்ராமாண்யமிதி வத³ந் த்³விதீயம் ப்ரத்யாஹ —
அபி சேதி ।
யதா²ப்ராப்தஸ்யேத்யஸ்யைவ வ்யாக்²யாநமவித்³யாப்ரத்யுபஸ்தா²பிதஸ்யேதி । ஸாத்⁴யஸாத⁴நஸம்ப³ந்த⁴போ³த⁴கஸ்ய கர்மகாண்ட³ஸ்ய ந விபர்யாஸோ மித்²யார்த²த்வே(அ)பி தஸ்யார்த²க்ரியாகாரித்வஸாமர்த்²யாநபஹாராத்ப்ராமாண்யோபபத்தேரிதி பா⁴வ: ।
நநு கர்மகாண்ட³ஸ்ய மித்²யார்த²த்வே மித்²யாஜ்ஞாநப்ரப⁴வத்வாத³நர்த²நிஷ்ட²த்வேநாப்ரவர்தகத்வாத³ப்ராமாண்யமித்யத ஆஹ —
யதே²தி ।
விமதமப்ரமாணம் மித்²யார்த²த்வாத்³விப்ரலம்ப⁴கவாக்யவதி³த்யாஶங்க்ய வ்யபி⁴சாரமாஹ —
யதா²காம்யேஷ்விதி ।
அக்³நிஹோத்ராதி³ஷு காம்யேஷு கர்மஸு மித்²யாஜ்ஞாநஜநிதம் மித்²யாபூ⁴தம் காமமுபாதா³ய ஶாஸ்த்ரப்ரவ்ருத்திவந்நித்யேஷ்வபி தேஷு ஸாத⁴நமஸதே³வா(அ)(அ)தா³ய ஶாஸ்த்ரம் ப்ரவர்ததாம் ததா²பி பு³த்³தி⁴மந்தோ ந ப்ரவர்திஷ்யந்தே வேதா³ந்தேப்⁴யஸ்தந்மித்²யாத்வாவக³மாதி³த்யாஶங்க்யா(அ)(அ)ஹ —
ந சேதி ।
அவித்³யாவதாம் கர்மஸு ப்ரவ்ருத்திமாக்ஷிபதி —
வித்³யாவதாமேவேதி ।
த்³ரவ்யதே³வதாதி³ஜ்ஞாநம் வா கர்மஸு ப்ரவர்தகமிதி விகல்ப்யா(அ)(அ)த்³யமங்கீ³க்ருத்ய த்³விதீயம் தூ³ஷயதி —
நேத்யாதி³நா ।
கர்மகாண்ட³ப்ராமாண்யாநுபபத்திரித்யாத்³யாமர்தா²பத்திம் நிராக்ருத்ய த்³விதீயாமர்தா²பத்திமதிதே³ஶேந நிராகரோதி —
ஏதேநேதி ।
கர்மகாண்ட³ஸ்யாஜ்ஞம் ப்ரதி ஸார்த²கத்வோபபாத³நேநேதி யாவத் ।
நநு கர்மகாண்ட³ம் ஸாத்⁴யஸாத⁴நஸம்ப³ந்த⁴ம் போ³த⁴யத்ப்ரவ்ருத்த்யாதி³பரமதோ ராகா³தி³வஶாத்தத³யோகா³ச்சா²ஸ்த்ரீயப்ரவ்ருத்த்யாதி³விஷயஸ்ய த்³வைதஸ்ய ஸத்யத்வமந்யதா² தத்³விஷயத்வாநுபபத்திரித்யர்தா²பத்த்யந்தரமாயாதமிதி தத்ரா(அ)(அ)ஹ —
புருஷேச்சே²தி ।
ந ப்ரவ்ருத்திநிவ்ருத்தீ ஶாஸ்த்ரவஶாதி³தி ஶேஷ: ।
ததே³வ ஸ்பு²டயதி —
அநேகா ஹீதி ।
ஶாஸ்த்ரஸ்யாகாரகத்வாத்ப்ரவர்தகத்வாத்³யபா⁴வமுக்த்வா தத்ரைவ யுக்த்யந்தரமாஹ —
த்³ருஶ்யந்தே ஹீதி ।
தர்ஹி ஶாஸ்த்ரஸ்ய கிம் க்ருத்யமித்யாஶங்க்யா(அ)(அ)ஹ —
தஸ்மாதி³தி ।
தத்ர ஸம்ப³ந்த⁴விஶேஷோபதே³ஶே ஸதீதி யாவத் ।
யதா²ருசி புருஷாணாம்ப்ரவ்ருத்திஶ்சேத்பரமபுருஷார்த²ம் கைவல்யமுத்³தி³ஶ்ய ஸம்யக்³ஜ்ஞாநஸித்³த⁴யே தது³பாயஶ்ரவணாதி³ஷு ஸம்ந்யாஸபூர்விகா ப்ரவ்ருத்திர்பு³த்³தி⁴பூர்வகாரிணாமுசிதேத்யாஶங்க்யா(அ)(அ)ஹ —
ததே²தி ।
ராகா³தி³வைசித்ர்யாநுஸாரேணேதி யாவத் । உக்தம் ஹி –
“அபி வ்ருந்தா³வநே ஶூந்யே ஶ்ருகா³லத்வம் ஸ இச்ச²தி ।
ந து நிர்விஷயம் மோக்ஷம் க³ந்துமர்ஹதி கௌ³தம ॥” இத்யாதி³ ।
தர்ஹி கத²ம் புருஷார்த²விவேகஸித்³தி⁴ஸ்தத்ரா(அ)(அ)ஹ —
யஸ்யேதி ।
புருஷார்த²த³ர்ஶநகார்யமாஹ —
தத³நுரூபாணீதி ।
ஸ்வாபி⁴ப்ராயாநுஸாரேண புருஷாணாம்புருஶார்த²ப்ரதிபத்திரித்யத்ர க³மகமாஹ —
ததா²சேதி ।
யதா² த³காரத்ரயே ப்ரஜாபதிநோக்ததே³வாத³ய: ஸ்வாபி⁴ப்ராயேண த³மாத்³யர்த²த்ரயம் ஜக்³ருஹுஸ்ததா² ஸ்வாபி⁴ப்ராயவஶாதே³வ புருஷாணாம் புருஷார்த²ப்ரதிபத்திரித்யர்த²வாத³தோ(அ)வக³தமித்யர்த²: ।
பூர்வோக்தகாண்ட³யோரவிரோத⁴முபஸம்ஹரதி —
தஸ்மாதி³தி ।
ஏகஸ்ய வாக்யஸ்ய த்³வ்யர்த²த்வாயோகா³தி³தி யாவத் ।
அர்தா²த்³பா³த⁴கத்வமாஶங்க்யா(அ)(அ)ஹ —
ந சேதி ।
ஏதாவதா வேதா³ந்தாநாம் ப்³ரஹ்மைகத்வஜ்ஞாபகத்வமாத்ரேணேத்யர்த²: ।
வேதா³ந்தாநாமபா³த⁴கத்வே(அ)பி கர்மகாண்ட³ஸ்ய தத்ப்ராமாண்யநிவர்தகத்வமஸ்தீத்யாஶங்க்யா(அ)(அ)ஹ —
நாபீதி ।