ஸ்வபக்ஷே ஸர்வவிரோத⁴நிராஸத்³வாரா ஸ்வார்தே² வேதா³ந்தாநாம் ப்ராமாண்யமுக்தம் ஸம்ப்ரதி தார்கிகபக்ஷமுத்தா²பயதி —
தத்ரேதி ।
ஐக்யே ஶாஸ்த்ரக³ம்யே ஸ்வீக்ருதே ஸதீதி யாவத் । ஸர்வம் ப்ரமாணமித்யாக³மவாக்யம் ப்ரத்யக்ஷாதி³ சேத்யர்த²: ।
கத²மைக்யாவேத³கமாக³மவாக்யம் ப்ரத்யக்ஷாதி³நா விருத்⁴யதே தத்ரா(அ)(அ)ஹ —
ததே²தி ।
யதா² ப்³ரஹ்மைகத்வே ப்ரவ்ருத்தஸ்ய ஶாஸ்த்ரஸ்ய ப்ரத்யக்ஷாதி³விரோத⁴ம் மந்யந்தே ததா² தமஸ்மாந்ப்ரதி சோத³யந்த்யபீதி யோஜநா ।
தத்ர ப்ரத்யக்ஷவிரோத⁴ம் ப்ரகடயதி —
ஶப்³தா³த³ய இதி ।
ஸம்ப்ரத்யநுமாநவிரோத⁴மாஹ —
ததே²தி ।
ஸ்வதே³ஹஸமவேதசேஷ்டாதுல்யசேஷ்டா தே³ஹாந்தரே த்³ருஷ்டா ஸா ச ப்ரயத்நபூர்விகா விஶிஷ்டசேஷ்டாத்வாத்ஸம்மதவதி³த்யநுமாநவிருத்³த⁴மத்³வைதஶாஸ்த்ரமித்யர்த²: ।
தத்ரைவ ப்ரமாணாந்தரவிரோத⁴மாஹ —
ததா² சேதி ।
மாநத்ரயவிரோதா⁴ந்ந ப்³ரஹ்மைகத்வமிதி ப்ராப்தே ப்ரத்யாஹ —
தே து குதர்கேதி ।
இதி தூ³ஷ்யதா தேஷாமிதி ஶேஷ: ।
த்³வைதக்³ராஹிப்ரமாணவிருத்³த⁴மத்³வைதமிதி வத³தாம் கத²ம் ஶோச்யதேதி ப்ருச்ச²தி —
கத²மிதி ।
த்ர ப்³ரஹ்மைகத்வே ப்ரத்யக்ஷவிரோத⁴ம் பரிஹரதி —
ஶ்ரோத்ராதீ³தி ।
ததா²த்வே ததே³கத்வாப்⁴யுபக³மவிரோத⁴: ஸ்யாதி³தி ஶேஷ: ।
யதா² ஸர்வபூ⁴தஸ்த²மேகமாகாஶமித்யத்ர ந ஶப்³தா³தி³பே⁴த³க்³ராஹிப்ரத்யக்ஷவிரோத⁴ஸ்ததை²கம் ப்³ரஹ்மேத்யத்ராபி ந தத்³விரோதோ⁴(அ)ஸ்தீத்யாஹ —
அதே²தி ।
தஸ்ய கல்பிதபே⁴த³விஷயத்வாதி³தி பா⁴வ: ।
அநுமாநவிரோத⁴ம் பரோக்தமநுவத³தி —
யச்சேதி ।
யா சேஷ்டா ஸா ப்ரயத்நபூர்விகேத்யேதாவதா நா(அ)(அ)த்மபே⁴த³: ஸ்வப்ரயத்நபூர்வகத்வஸ்யாபி ஸம்ப⁴வாத³நுபலப்³தி⁴விரோதே⁴ த்வநுமாநஸ்யைவாநுத்தா²நாத்ஸ்வதே³ஹசேஷ்டாயா: ஸ்வப்ரயத்நபூர்வகத்வவத்பரதே³ஹசேஷ்டாயாஸ்தத்³யத்நபூர்வகத்வே சா(அ)(அ)தா³வேவ ஸ்வபரபே⁴த³: ஸித்⁴யேத்ஸ ச நாத்⁴யக்ஷாத்பரஸ்யாநத்⁴யக்ஷத்வாந்நாநுமாநாத³ந்யோந்யாஶ்ரயாதி³த்யாஶயவாநாஹ —
பி⁴ந்நா இதி ।
தோ³ஷாந்தராபி⁴தி⁴த்ஸயா ஶங்கயதி —
அதே²தி ।
அஸ்மத³ர்த²ம் ப்ருச்ச²தி —
கே யூயமிதி ।
ஸ ஹி ஸ்தூ²லதே³ஹோ வா கரணஜாதம் தே³ஹத்³வயாத³ந்யோ வா । நா(அ)(அ)த்³ய: । தயோரசேதநத்வாத³நுமாத்ருத்வாயோகா³த் । ந த்ருதீயஸ்தஸ்யாவிகாரித்வாதி³தி பா⁴வ: ।
கிம்ஶப்³த³ஸ்ய ப்ரஶ்நார்த²தாம் மத்வா பூர்வவாத்³யாஹ —
ஶரீரேதி ।
ஆத்மா தே³ஹாதி³ப³ஹுஸாத⁴நவிஶிஷ்டோ(அ)நுமாதா க்ரியாணாமநேககாரகஸாத்⁴யத்வாதே³வம் விஶிஷ்டாத்மகர்த்ருகாநுமாநாத்ப்ரதிதே³ஹமாத்மபே⁴த³தீ⁴ரித்யர்த²: ।
விஶிஷ்டஸ்யா(அ)(அ)த்மநோ(அ)நுமாநகர்த்ருகத்வே க்ரியாணாமநேககாரகஸாத்⁴யத்வாதி³தி ஹேதுஶ்சேத்ததா³ தவ தே³ஹாதே³ஶ்சைகைகஸ்யாப்யநேகத்வம் ஸ்யாதி³த்யுத்தரமாஹ —
ஏவம் தர்ஹீதி ।
ததே³வ விவ்ருணோதி —
அநேகேதி ।
ஆத்மநோ தே³ஹாதீ³நாம் சாநுமாநகாரகாணாம் ப்ரத்யேகமவாந்தரக்ரியா(அ)ஸ்தி வஹ்ந்யாதி³ஷு ததா² த³ர்ஶநாத்ததா² சா(அ)(அ)த்மநோ(அ)வாந்தரக்ரியா கிமநேககாரகஸாத்⁴யா கிம்வா ந ? ஆத்³யேப்யாத்மாதிரிக்தாநேககாரகஸாத்⁴யா கிம்வா தத³நதிரிக்ததத்ஸாத்⁴யா வா ? நா(அ)(அ)த்³யோ(அ)நவஸ்தா²நாத் । த்³விதீயே த்வாத்மநோ(அ)நேகத்வாபத்தேர்நைராத்ம்யம் ஸ்யாந்ந சாவாந்தரக்ரியா நாநேககாரகஸாத்⁴யா ப்ரதா⁴நக்ரியாயாமபி ததா²த்வப்ரஸம்கா³த் । ஏதேந தே³ஹாதி³ஷ்வபி காரகத்வம் ப்ரத்யுக்தமிதி பா⁴வ: ।
யத்த்வாத்மா(அ)(அ)த்மப்ரதியோகி³கபே⁴த³வாந்வஸ்து வாத்³க⁴டவதி³தி, தத்ரா(அ)(அ)த்மா ப்ரதிபந்நோ(அ)ப்ரதிபந்நோ வேதி விகல்ப்ய த்³விதீயம் ப்ரத்யாஹ —
யோ ஹீதி ।
ப்ரதிபந்நத்வபக்ஷே(அ)பி பே⁴தே³நாபே⁴தே³ந வா தத்ப்ரதிபத்திருப⁴யதா²(அ)பி நாநுமாநப்ரவ்ருத்திரித்யாஹ —
தத்ரேதி ।
இதஶ்சா(அ)(அ)த்மபே⁴தா³நுமாநாநுத்தா²நமித்யாஹ —
கேநேதி ।
கிம்ஶப்³த³ஸ்யா(அ)(அ)க்ஷேபார்த²த்வம் ஸ்பு²டயதி —
ந ஹீதி ।
ஜந்மாதீ³நாம் ப்ரதிநியமாதி³லிங்க³வஶாதா³த்மபே⁴த³: ஸேத்ஸ்யதி சேந்நேத்யாஹ —
யாநீதி ।
ஆத்மந: ஸஜாதீயபே⁴தே³ லிங்கா³பா⁴வம் த்³ருஷ்டாந்தேந ஸாத⁴யதி —
யதே³தி ।
கிஞ்சௌபாதி⁴கோ வா ஸ்வாபா⁴விகோ வா(அ)த்மபே⁴த³: ஸாத்⁴யதே ? நா(அ)(அ)த்³ய: ஸித்³த⁴ஸாத்⁴யத்வாதி³த்யபி⁴ப்ராத்யாஹ —
நஹீதி ।
ந த்³விதீய இத்யாஹ —
ஸ்வதஸ்த்விதி ।
ஆத்மா த்³ரவ்யத்வாதிரிக்தாபரஜாதீயோ(அ)ஶ்ராவணவிஶேஷகு³ணவத்த்வாத்³க⁴டவதி³த்யநுமாநாந்தரமாஶங்க்யாந்யதராஸித்³தி⁴ம் த³ர்ஶயதி —
யத்³யதி³தி ।
தாப்⁴யாமாத்மநோ(அ)ந்யத்வாப்⁴யுபக³மே மாநமுபந்யஸ்யதி —
ஆகாஶ இதி ।
தத்ரைவோபபத்திமாஹ —
உத்பத்தீதி ।
அநுமாநாவிரோத⁴முபஸம்ஹரதி —
அத இதி ।
ஆக³மவிரோத⁴முக்தந்யாயாதிதே³ஶேந நிராகரோதி —
ஏதேநேதி ।
ஔபாதி⁴கபே⁴தா³ஶ்ரயத்வேந வ்யவஹாரஸ்யோபபந்நத்வோபத³ர்ஶநேநேதி யாவத் ।
ப்ரத்யக்ஷாநுமாநாக³மைரத்³வைதஸ்யாவிரோதே⁴(அ)பி ஸ்யாத்³விரோதோ⁴(அ)ர்தா²பத்த்யேதி சேத³த ஆஹ —
யது³க்தமிதி ।
உபதே³ஶோ யஸ்மை க்ரியதே யஸ்ய சோபதே³ஶக்³ரஹணப்ரயுக்தம் ப²லம் தயோர்ப்³ரஹ்மைகத்வே ஸத்யுபதே³ஶாநர்த²க்யமித்யநுவாதா³ர்த²: ।
கிம் க்ரியாணாமநேககாரகஸாத்⁴யத்வாதே³வம் சோத்³யதே கிம்வா ப்³ரஹ்மணோ நித்யமுக்தத்வாதி³தி விகல்ப்யா(அ)(அ)த்³யம் தூ³ஷயதி —
தத³பீதி ।
தாஸாமநேககாரகஸாத்⁴யத்வஸ்ய ப்ரத்யு (பர்யு)த³ஸ்தத்வாதி³தி பா⁴வ: ।
யதி³ ப்³ரஹ்மணோ நித்யமுக்தத்வாபி⁴ப்ராயேணோபதே³ஶாநர்த²க்யம் சோத்³யதே தத்ர நித்யமுக்தே ப்³ரஹ்மணி ஜ்ஞாதே(அ)ஜ்ஞாதே வா ததா³நர்த²க்யம் சோத்³யத இதி விகல்ப்யா(அ)(அ)த்³யமங்கீ³கரோதி —
ஏகஸ்மிந்நிதி ।
த்³வதீயமுத்தா²பயதி —
அதே²தி ।
உபதே³ஶஸ்தாவத³நேகேஷாம் காரகாணாம் ஸாத்⁴யதயா விஷயஸ்ததா³நர்த²க்யமஜ்ஞாதே நித்யமுக்தே ப்³ரஹ்மணி சோத்³யதே சேதி³த்யர்த²: ।
ஸர்வைராத்மவாதி³பி⁴ருபதே³ஶஸ்ய ஜ்ஞாநார்த²மிஷ்டத்வாத்தத்³விரோதா⁴த³ஜ்ஞாதே ப்³ரஹ்மணி ததா³நர்த²க்யசோத்³யமநுபபந்நமித்யாஹ —
ந ஸ்வத இதி ।
அத்³வைதே விரோதா⁴ந்தராபா⁴வே(அ)பி தார்கிகஸமயவிரோதோ⁴(அ)ஸ்தீத்யாஶங்க்யா(அ)(அ)ஹ —
தஸ்மாதி³தி ।
ப்ரமாணவிரோதா⁴பா⁴வஸ்தச்ச²ப்³தா³ர்த²: । ஆர்யமர்யாதா³ம் பி⁴ந்தா³நாஶ்சாடா விவக்ஷ்யந்தே । ப⁴டாஸ்து ஸேவகா மித்²யாபா⁴ஷிணஸ்தேஷாம் ஸர்வேஷாம் ராஜாநஸ்தார்கிகாஸ்தைரப்ரவேஶ்யமாநாக்ரமணீயமித³ம் ப்³ரஹ்மாத்மைகத்வமிதி யாவத் ।
ஶாஸ்த்ராதி³ப்ரஸாத³ஶூந்யைராக³ம்யத்வே ப்ரமாணமாஹ —
கஸ்தமிதி ।
தே³வதாதே³ர்வரப்ரஸாதே³ந லப்⁴யமித்யத்ர ஶ்ருதிஸ்ம்ருதிவாதா³: ஸந்தி தேப்⁴யஶ்ச ஶாஸ்த்ராதி³ப்ரஸாத³ஹீநைரலப்⁴யம் தத்த்வமிதி நிஶ்சிதமித்யர்த²: ।
ஶாஸ்த்ராதி³ப்ரஸாத³வதாமேவ தத்த்வம் ஸுக³மமித்யத்ர ஶ்ரௌதம் ஸ்மார்தஞ்ச லிங்கா³ந்தரம் த³ர்ஶயதி —
ததே³ஜதீதி ।
ப்³ரஹ்மணோ(அ)த்³விதீயத்வே ஸர்வப்ரகாரவிரோதா⁴பா⁴வே ப²லிதமாஹ —
தஸ்மாதி³தி ।
ஸம்ஸாரிணோ ப்³ரஹ்மணோ(அ)ர்தா²ந்தரத்வாபா⁴வே ஶ்ருதீநாமாநுகூல்யம் த³ர்ஶயதி —
தஸ்மாதி³தி ।
அத்³வைதே ஶ்ருதிஸித்³தே⁴ விசாரநிஷ்பந்நமர்த²முபஸம்ஹரதி —
தஸ்மாத்பரஸ்யேதி ॥20॥