తత్ తత్ర ఎతస్మిన్నర్థే ఎష శ్లోకః మన్త్రో భవతి — అర్వాగ్బిలశ్చమస ఇత్యాదిః । తత్ర మన్త్రార్థమాచష్టే శ్రుతిః — అర్వాగ్బిలశ్చమస ఊర్ధ్వబుధ్న ఇతి । కః పునరసావర్వాగ్బిలశ్చమస ఊర్ధ్వబుధ్నః ? ఇదం తత్ ; శిరః చమసాకారం హి తత్ ; కథమ్ ? ఎష హి అర్వాగ్బిలః ముఖస్య బిలరూపత్వాత్ , శిరసో బుధ్నాకారత్వాత్ ఊర్ధ్వబుధ్నః । తస్మిన్ యశో నిహితం విశ్వరూపమితి — యథా సోమః చమసే, ఎవం తస్మిన్ శిరసి విశ్వరూపం నానారూపం నిహితం స్థితం భవతి । కిం పునస్తత్ ? యశః — ప్రాణా వై యశో విశ్వరూపమ్ — ప్రాణాః శ్రోత్రాదయః వాయవశ్చ మరుతః సప్తధా తేషు ప్రసృతాః యశః — ఇత్యేతదాహ మన్త్రః, శబ్దాదిజ్ఞానహేతుత్వాత్ । తస్యాసత ఋషయః సప్త తీర ఇతి — ప్రాణాః పరిస్పన్దాత్మకాః, త ఎవ చ ఋషయః, ప్రాణానేతదాహ మన్త్రః । వాగష్టమీ బ్రహ్మణా సంవిదానేతి — బ్రహ్మణా సంవాదం కుర్వన్తీ అష్టమీ భవతి ; తద్ధేతుమాహ — వాగ్ఘ్యష్టమీ బ్రహ్మణా సంవిత్త ఇతి ॥