ವಿಪರ್ಯಯೇಣ ವೇತ್ಯೇತತ್ಪೂರ್ವವದಿತ್ಯುಚ್ಯತೇ । ಅತ್ರಿಃ ಸಪ್ತಮ ಇತಿ ಸಂಬಂಧಃ । ಅತ್ರಿತ್ವೇ ಹೇತುರದನಕ್ರಿಯಾಯೋಗಾದಿತಿ । ಹೇತುಂ ಸಾಧಯತಿ —
ವಾಚಾ ಹೀತಿ ।
ಸಾಧ್ಯಮರ್ಥಂ ನಿಗಮಯತಿ —
ತಸ್ಮಾದಿತಿ ।
ತರ್ಹಿ ಕಥಮತ್ರಿರಿತಿ ವ್ಯಪದೇಶ್ಯತೇಽತ ಆಹ —
ಅತ್ತಿರೇವೇತಿ ।
ಪ್ರಾಣಸ್ಯ ಯದನ್ನಜಾತಮೇತಸ್ಯ ಸರ್ವಸ್ಯಾತ್ತಾ ಭವತ್ಯತ್ರಿನಿರ್ವಚನವಿಜ್ಞಾನಾದಿತಿ ಸಂಬಂಧಃ ।
ಸರ್ವಮಸ್ಯೇತ್ಯಾದಿವಾಕ್ಯಮರ್ಥೋಕ್ತಿಪೂರ್ವಕಂ ಪ್ರಕಟಯತಿ —
ಅತ್ತೈವೇತಿ ।
ನ ಕೇವಲಮತ್ರಿನಿರ್ವಚನವಿಜ್ಞಾನಕೃತಮೇತತ್ಫಲಂ ಕಿಂತು ಪ್ರಾಣಯಾಥಾತ್ಮ್ಯವೇದನಪ್ರಯುಕ್ತಮಿತ್ಯಾಹ —
ಯ ಏವಮಿತಿ ॥೪॥