ஆதி⁴தை³விகம் மூர்தமபி⁴தா⁴ய தாத்³ருகே³வாமூர்தம் ப்ரதீகோபாதா³நபூர்வகம் ஸ்பு²டயதி —
அதே²த்யாதி³நா ।
அமூர்தமுப⁴யத்ர ஹேதுத்வேந ஸம்ப³த்⁴யதே । அபரிச்சி²ந்நத்வமவிரோதே⁴ ஹேது: ।
அமூர்தத்வாதீ³நாம் மிதோ² விஶேஷணவிஶேஷ்யபா⁴வோ ஹேதுஹேதுமத்³பா⁴வஶ்ச யதே²ஷ்டம் த்³ரஷ்டவ்ய இத்யா(அ)(அ)ஹ —
பூர்வவதி³தி ।
புநருக்திரபி பூர்வவத் । ய ஏஷ இத்யாதி³ ப்ரதீகக்³ரஹணம் தஸ்ய வ்யாக்²யாநம் கரணாத்மக இத்யாதி³ ।
யதா² பூ⁴தத்ரயஸ்ய மண்ட³லம் ஸாரிஷ்ட²முக்தம் தத்³வதி³த்யாஹ —
பூர்வவதி³தி ।
ஸாரிஷ்ட²த்வமநூத்³ய ஹேதுமாஹ —
ஏததி³தி ।
தாத³ர்த்²யாத்³பூ⁴தத்³வயஸ்ய பூ⁴தத்ரயோபஸர்ஜநஸ்ய ஸ்வயம்ப்ரதா⁴நஸ்ய ஹிரண்யக³ர்பா⁴ரம்பா⁴ர்த²த்வாதி³தி யாவத் । பூ⁴தத்³வயம் பூ⁴தத்ரயோபஸர்ஜநமிதி ஶேஷ: ।
ஹேதுமவதார்ய வ்யாசஷ்டே —
த்யஸ்ய ஹீதி ।
புருஷஶப்³தா³து³பரிஷ்டாத்ஸஶப்³தோ³ த்³ரஷ்டவ்ய: । அமூர்தத்வாதி³விஶேஷணசதுஷ்டயவைஶிஷ்ட்யம் ஸாத⁴ர்ம்யம் ।
தத்ப²லமாஹ —
தஸ்மாதி³தி ।