కుతో విశేషోక్తిరిత్యాశఙ్క్యాఽఽహ —

దక్షిణ ఇతి ।

శాస్త్రస్య తేన వా దక్షిణేఽక్షిణి విశేషస్య ప్రత్యక్షత్వాదిత్యర్థః ।

ద్వితీయవ్యాఖ్యానమాశ్రిత్య హేత్వర్థం స్ఫుటయతి —

లిఙ్గస్యేతి ।

హేతుమనూద్య తదర్థం కథయతి —

త్యస్యేతి ।

యథా పూర్వత్ర చక్షుషి మూర్తాదిచతుష్టయదృష్ట్యా తాదృగ్భూతత్రయసారతోక్తా తథాఽత్రాపి లిఙ్గాత్మన్యమూర్తత్వాదిచతుష్టయస్య విశేషేణాగ్రహణాదమూర్తత్వాదినా సాధర్మ్యాత్తథావిధభూతద్వయసారత్వం తస్య శరీరే ప్రాధాన్యాచ్చ తత్సారత్వసిద్ధిరిత్యర్థః ॥౫॥