ப்³ருஹதா³ரண்யகோபநிஷத்³பா⁴ஷ்யம்
த்³விதீயோ(அ)த்⁴யாய:த்ருதீயம் ப்³ராஹ்மணம்
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (ப்³ருஹதா³ரண்யக)
 
தஸ்ய ஹைதஸ்ய புருஷஸ்ய ரூபம் । யதா² மாஹாரஜநம் வாஸோ யதா² பாண்ட்³வாவிகம் யதே²ந்த்³ரகோ³போ யதா²க்³ந்யர்சிர்யதா² புண்ட³ரீகம் யதா² ஸக்ருத்³வித்³யுத்தம் ஸக்ருத்³வித்³யுத்தேவ ஹ வா அஸ்ய ஶ்ரீர்ப⁴வதி ய ஏவம் வேதா³தா²த ஆதே³ஶோ நேதி நேதி ந ஹ்யேதஸ்மாதி³தி நேத்யந்யத்பரமஸ்த்யத² நாமதே⁴யம் ஸத்யஸ்ய ஸத்யமிதி ப்ராணா வை ஸத்யம் தேஷாமேஷ ஸத்யம் ॥ 6 ॥
ஏவம் நிரவஶேஷம் ஸத்யஸ்ய ஸ்வரூபமபி⁴தா⁴ய, யத்தத்ஸத்யஸ்ய ஸத்யமவோசாம தஸ்யைவ ஸ்வரூபாவதா⁴ரணார்த²ம் ப்³ரஹ்மண இத³மாரப்⁴யதே — அத² அநந்தரம் ஸத்யஸ்வரூபநிர்தே³ஶாநந்தரம் , யத்ஸத்யஸ்ய ஸத்யம் ததே³வாவஶிஷ்யதே யஸ்மாத் — அத: தஸ்மாத் , ஸத்யஸ்ய ஸத்யம் ஸ்வரூபம் நிர்தே³க்ஷ்யாம: ; ஆதே³ஶ: நிர்தே³ஶ: ப்³ரஹ்மண: ; க: புநரஸௌ நிர்தே³ஶ இத்யுச்யதே — நேதி நேதீத்யேவம் நிர்தே³ஶ: ॥

வ்ருத்தமநூத்³யாநந்தரக்³ரந்த²மவதாரயதி —

ஏவமித்யாதி³நா ।

தஸ்யைவ ப்³ரஹ்மண இதி ஸம்ப³ந்த⁴: ।

கஸ்மாத³நந்தரமித்யுக்தே தத்³த³ர்ஶயந்நந்த:ஶப்³த³ம் சாபேக்ஷிதம் பூரயந்வ்யாகரோதி —

ஸத்யஸ்யேதி ।