யதோ²க்தாதே³ஶஸ்யாபா⁴வபர்யவஸாயித்வம் மந்வாந: ஶங்கதே —
நந்விதி ।
நிரவதி⁴கநிஷேதா⁴ஸித்³தே⁴ஸ்தத³வதி⁴த்வேந ஸத்யஸ்ய ஸத்யம் ப்³ரஹ்ம நிர்தே³ஷ்டுமிஷ்டமிதி பரிஹரதி —
உச்யத இதி ।
ப்³ரஹ்மணோ விதி⁴முகே²ந நிர்தே³ஶே ஸம்பா⁴வ்யமாநே கிமிதி நிஷேத⁴முகே²ந தந்நிர்தி³ஶ்யதே தத்ரா(அ)(அ)ஹ —
யஸ்மிந்நிதி ।
தத்³விதி⁴முகே²ந நிர்தே³ஷ்டுமஶக்யமிதி ஶேஷ: ।
நாமரூபாத்³யபா⁴வே(அ)பி ப்³ரஹ்மணி ஶப்³த³ப்ரவ்ருத்திமாஶங்க்யா(அ)(அ)ஹ —
தத்³த்³வாரேணேதி ।
ஜாத்யாதீ³நாந்யதமஸ்ய ப்³ரஹ்மண்யபி ஸம்ப⁴வத்தத்³த்³வாரா தத்ர ஶப்³த³ப்ரவ்ருத்தி: ஸ்யாதி³தி சேந்நேத்யாஹ —
ந சேதி ।
உக்தமர்த²ம் வைத⁴ர்ம்யத்³ருஷ்டாந்தேந ஸ்பஷ்டயதி —
கௌ³ரிதி ।
ததா² ஜாத்யாத்³யபா⁴வாந்ந ப்³ரஹ்மணி ஶப்³த³ப்ரவ்ருத்திரிதி ஶேஷ: ।
கத²ம் தர்ஹி க்வசித்³விதி⁴முகே²ந ப்³ரஹ்மோபதி³ஶ்யதே தத்ரா(அ)(அ)ஹ —
அத்⁴யாரோபிதேதி ।
விஜ்ஞாநாநந்தா³தி³வாக்யேஷு ஶப³லே க்³ருஹீதஶக்திபி⁴: ஶப்³தை³ர்லக்ஷ்யதே ப்³ரஹ்மேத்யர்த²: ।
நநு லக்ஷணாமுபேக்ஷ்ய ஸாக்ஷாதே³வ ப்³ரஹ்ம கிமிதி ந விவக்ஷ்யதே தத்ரா(அ)(அ)ஹ —
யதா³ புநரிதி ।
நிர்தே³ஷ்டும் லக்ஷணாமுபேக்ஷ்ய ஸாக்ஷாதே³வ வக்துமிதி யாவத் । தத்ர ஶப்³த³ப்ரவ்ருத்திநிமித்தாநாம் ஜாத்யாதீ³நாமபா⁴வஸ்யோக்தத்வாதி³த்யர்த²: ।
விதி⁴முகே²ந நிர்தே³ஶாஸம்ப⁴வே ப²லிதமாஹ —
ததே³தி ।
ப்ராப்தோ நிர்தே³ஶோ யஸ்ய விஶேஷஸ்ய தத்ப்ரதிஷேத⁴முகே²நேதி யாவத் ।