భార్యామామన్త్ర్య కిం కృతవానితి తదాహ —
ఉద్యాసన్నితి ।
వైశబ్దోఽవధారణార్థః । ఆశ్రమాన్తరం యాస్యన్నేవాహమస్మీతి సంబన్ధః ।
యథోక్తేచ్ఛానన్తరం భార్యాయాః కర్తవ్యం దర్శయతి —
అత ఇతి ।
సతి భార్యాదౌ సంన్యాసస్య తదనుజ్ఞాపూర్వకత్వనియమాదితి భావః ।
కర్తవ్యాన్తరం కథయతి —
కిఞ్చేతి ।
ఆవయోర్విచ్ఛేదః స్వాభావికోఽస్తి కిం తత్ర కర్తవ్యామిత్యాశఙ్క్యాఽఽహ —
పతిద్వారేణేతి ।
త్వయి ప్రవ్రజితే స్వయమేవాఽఽవయోర్విచ్ఛేదో భవిష్యతీత్యాశఙ్క్యాఽఽహ —
ద్రవ్యేతి ।
విత్తే తు న స్త్రీస్వాతన్త్ర్యమితి భావః ॥౧॥