अद्वैतशारदा | दक्षिणाम्नाय श्रीशारदापीठम्, शृङ्गेरी

ಬೃಹದಾರಣ್ಯಕೋಪನಿಷದ್ಭಾಷ್ಯಮ್

ದ್ವಿತೀಯೋಽಧ್ಯಾಯಃಚತುರ್ಥಂ ಬ್ರಾಹ್ಮಣಮ್

ಆನಂದಗಿರಿಟೀಕಾ (ಬೃಹದಾರಣ್ಯಕ)

ಸಾ ಹೋವಾಚ ಮೈತ್ರೇಯೀ ಯೇನಾಹಂ ನಾಮೃತಾ ಸ್ಯಾಂ ಕಿಮಹಂ ತೇನ ಕುರ್ಯಾಂ ಯದೇವ ಭಗವಾನ್ವೇದ ತದೇವ ಮೇ ಬ್ರೂಹೀತಿ ॥ ೩ ॥

ಸಾ ಹೋವಾಚ ಮೈತ್ರೇಯೀ । ಏವಮುಕ್ತಾ ಪ್ರತ್ಯುವಾಚ ಮೈತ್ರೇಯೀ — ಯದ್ಯೇವಂ ಯೇನಾಹಂ ನಾಮೃತಾ ಸ್ಯಾಮ್ , ಕಿಮಹಂ ತೇನ ವಿತ್ತೇನ ಕುರ್ಯಾಮ್ ? ಯದೇವ ಭಗವಾನ್ ಕೇವಲಮ್ ಅಮೃತತ್ವಸಾಧನಂ ವೇದ, ತದೇವ ಅಮೃತತ್ವಸಾಧನಂ ಮೇ ಮಹ್ಯಂ ಬ್ರೂಹಿ ॥

ಸಾ ಹೀತಿ ॥೩॥ ;

ವಿತ್ತಸ್ಯಾಮೃತತ್ವಸಾಧನಾಭಾವಮಧಿಗಮ್ಯ ತಸ್ಮಿನ್ನಾಸ್ಥಾಂ ತ್ಯಕ್ತ್ವಾ ಮುಕ್ತಿಸಾಧನಮೇವಾಽಽತ್ಮಜ್ಞಾನಮಾತ್ಮಾರ್ಥಂ ದಾತುಂ ಪತಿಂ ನಿಯುಂಜಾನಾ ಬ್ರೂತೇ —

ಸಾ ಹೀತಿ ॥೩॥