ஸ யதா² ஸர்வாஸாமபாமித்யாதி³ஸமநந்தரக்³ரந்த²முத்தா²பயதி —
கிஞ்சாந்யதி³தி ।
ததே³வ வ்யாகரோதி —
ந கேவலமிதி ।
ப்ரலயகாலே ச ப்ரஜ்ஞாநவ்யதிரேகேணாபா⁴வாஜ்ஜக³தோ ப்³ரஹ்மத்வமிதி ஸம்ப³ந்த⁴: ।
உக்தமர்த²ம் த்³ருஷ்டாந்தேந ஸ்பஷ்டயதே —
ஜலேதி ।
ததா²(அ)பி ப்ரஜ்ஞாநமேவைகமேவ ஸ்யாந்ந ப்³ரஹ்மேத்யாஶங்க்யா(அ)(அ)ஹ —
தஸ்மாதி³தி ।
ஸத்யஜ்ஞாநாதி³வாக்யாத்³ப்³ரஹ்மணஸ்தந்மாத்ரத்வாதி³த்யர்த²: ।
யதோ²க்தம் ப்³ரஹ்ம சேத்ப்ரதிபத்தவ்யம் கிமிதி தர்ஹி ஸ யதே²த்யாதி³ வாக்யமித்யாஶங்க்ய தச்சே²ஷத்வேந ப்ரலயம் த³ர்ஶயிதும் த்³ருஷ்டாந்தவசநமேததி³த்யாஹ —
அத ஆஹேதி ।
ப்ரலீயதே(அ)ஸ்மிந்நிதி ப்ரலய ஏகஶ்சாஸௌ ப்ரலயஶ்சேத்யேகப்ரலய: தடா³கா³தி³க³தாநாமபாம் குத: ஸமுத்³ரே லயோ ந ஹி தாஸாம் தேந ஸம்க³திரித்யாஶங்க்யா(அ)(அ)ஹ —
அவிபா⁴கே³தி ।
அத்ர ஹி ஸமுத்³ரஶப்³தே³ந ஜலஸாமாந்யமுச்யதே । தத்³வ்யதிரேகேண ச ஜலவிஶேஷாணாமபா⁴வோ விவக்ஷிதஸ்தேஷாம் தத்ஸம்ஸ்தா²நமாத்ரத்வாத³தஶ்சா(அ)(அ)ஸாமஸ்மிந்நவிபா⁴க³ஸ்ய ப்ராப்திரிதி ஸமுத்³ரே(அ)விபா⁴க³ப்ராப்திரித்யர்த²: । பிச்சி²லாதீ³நாமித்யாதி³ஶப்³தே³நாநுக்தஸ்பர்ஶம்விஶேஷா: ஸர்வே க்³ருஹ்யந்தே ।
விஷயாணாமிந்த்³ரியகார்யத்வாபா⁴வாத்குத: ஸ்பர்ஶாநாம் த்வசி விலய: ஸ்யாதி³த்யாஶங்க்யா(அ)(அ)ஹ —
த்வகி³தீதி ।
ஸ்பர்ஶவிஶேஷாணாம் ஸ்பர்ஶஸாமாந்யே(அ)ந்தர்பா⁴வம் ப்ரபஞ்சயதி —
தஸ்மிந்நிதி ।
ததா²(அ)பி ஸமஸ்தஸ்ய ஜக³தோ ப்³ரஹ்மவ்யதிரேகேணாபா⁴வாத்³ப்³ரஹ்மத்வமித்யேதத்கத²ம் ப்ரதிஜ்ஞாதமித்யாஶங்க்ய பரம்பரயா ப்³ரஹ்மணி ஸர்வப்ரவிலயம் த³ர்ஶயிதும் க்ரமமநுக்ராமதி —
ததே²தி ।
மநஸி ஸதி விஷயவிஷயிபா⁴வஸ்ய த³ர்ஶநாத³ஸதி சாத³ர்ஶநாந்மந:ஸ்பந்தி³தமாத்ரம் விஷயஜாதமிதி தஸ்ய தத்³விஷயமாத்ரே ப்ரவிஷ்டஸ்ய தத³திரேகேணாஸத்த்வமித்யர்த²: ।
ஸம்கல்பவிகல்பாத்மகமந:ஸ்பந்தி³தத்³வைதஸ்ய ஸம்கல்பாத்மகே மநஸ்யந்தர்பா⁴வாத்தஸ்ய ச ஸம்கல்பஸ்யாத்⁴யவஸாயபாரதந்த்ர்யத³ர்ஶநாத³த்⁴யவஸாயாத்மிகாயாம் ச பு³த்³தௌ⁴ தத்³விஷயஸ்ய பூர்வவத³நுப்ரவேஶாந்மநோவிஷயஸாமாந்யஸ்ய பு³த்³தி⁴விஷயஸாமாந்யே ப்ரவிஷ்டஸ்ய தத்³வ்யதிரேகேணாஸத்த்வமித்யாஹ —
ஏவமிதி ।
ஸர்வம் ஜக³து³க்தேந ந்யாயேந பு³த்³தி⁴மாத்ரம் பூ⁴த்வா தத்³யச்சே²ச்சா²ந்த ஆத்மநீதி ஶ்ருத்யா ப்³ரஹ்மணி பர்யவஸ்யதீத்யாஹ —
விஜ்ஞாநமாத்ரமிதி ।
நநு ஜக³தி³த³ம் விலீயமாநம் ஶக்திஶேஷமேவ விலீயதே । தத்த்வஜ்ஞாநாத்³ருதே தஸ்ய நி:ஶேஷநாஶாநாஶ்ரயணாத் । ததா² ச குதோ ப்³ரஹ்மைகரஸஸ்ய ப்ரதிபத்திரத ஆஹ —
ஏவமிதி ।
ஶக்திஶேஷலயே(அ)பி தஸ்யா து³ர்நிரூபத்வாத்³வஸ்த்வேகரஸஸ்ய தீ⁴ரவிருத்³தே⁴தி பா⁴வ: ।
ஏகாயநப்ரக்ரியாதாத்பர்யமுபஸம்ஹரதி —
தஸ்மாதி³தி ।
க்⁴ராணவிஷயஸாமாந்யமித்யாதா³வேகாயநமிதி ஸர்வத்ர ஸம்ப³ந்த⁴: ।
கத²ம் புநரத்ர ப்ரதிபர்யாயம் ப்³ரஹ்மணி பர்யவஸாநம் தத்ரா(அ)(அ)ஹ —
ததே²தி ।
யதா² ஸர்வேஷு பர்யாயேஷு ப்³ரஹ்மணி பர்யவஸாநம் ததோ²ச்யத இதி யாவத் । பூர்வவதி³தி த்வக்³விஷயஸாமாந்யவதி³த்யர்த²: । ஸம்கல்பே லய இதி ஶேஷ: । விஜ்ஞாநமாத்ர இத்யத்ராபி ததை²வ ।
ஏவம் ஸர்வேஷாம் கர்மணாமித்யாதே³ரர்த²மாஹ —
ததா² கர்மேந்த்³ரியாணாமிதி ।
க்ரியாஸாமாந்யாநாம் ஸூத்ராத்மஸம்ஸ்தா²நபே⁴த³த்வமப்⁴யுபேத்யா(அ)(அ)ஹ —
தாநி சேதி ।
க்ரியாஜ்ஞாநஶக்த்யோஶ்சிது³பாதி⁴பூ⁴தயோஶ்சித³பே⁴தா³பே⁴த³மபி⁴ப்ரேத்ய ப்ராணஶ்சேத்யாதி³ பா⁴ஷ்யம் । தத்ர தயோரந்யோந்யாபே⁴தே³ மாநமாஹ —
யோ வா இதி ।
ஶ்ருதிமுகா²த்கரணலயோ ந ப்ரதிபா⁴தி ஸ்வயம் ச வ்யாக்²யாயதே தத்ர கோ ஹேதுரிதி ப்ருச்ச²தி —
நந்விதி ।
ஶ்ருத்யா கரணலயஸ்யாநுக்தத்வமங்கீ³கரோதி —
பா³ட⁴மிதி ।
ப்ருஷ்டமபி⁴ப்ராயம் ப்ரகடயதி —
கிந்த்விதி ।
கரணஸ்ய விஷயஸாஜாத்யம் விவ்ருணோதி —
விஷயஸ்யைவேதி ।
கிமத்ர ப்ரமாணமித்யாஶங்க்யாநுமாநமதி ஸூசயதி —
ப்ரதீ³பவதி³தி ।
சக்ஷுஷஸ்தேஜஸம் ரூபாதி³ஷு மத்⁴யே ரூபஸ்யைவ வ்யஞ்ஜகத்³ரவ்யத்வாத்ஸம்ப்ரதிபந்நவதி³த்யாதீ³ந்யநுமாநாநி ஶாஸ்த்ரப்ரகாஶிகாயாமதி⁴க³ந்தவ்யாநி ।
கரணாநாம் விஷயஸாஜாத்யே ப²லிதமாஹ —
தஸ்மாதி³தி ।
ப்ருத²க்³விஷயப்ரலயாதி³தி ஶேஷ: । ஏகாயநப்ரக்ரியாஸமாப்தாவிதிஶப்³த³: ॥11॥