ஸ யதா² ஸைந்த⁴வகி²ல்ய இத்யாதே³: ஸம்ப³ந்த⁴ம் வக்தும் வ்ருத்தம் கீர்தயதி —
தத்ரேத்யாதி³நா ।
பூர்வ: ஸந்த³ர்ப⁴ஸ்தத்ரேத்யுச்யதே ।
ப்ரதிஜ்ஞாதே(அ)ர்தே² பூர்வோக்தம் ஹேதுமநூத்³ய ஸாத்⁴யஸித்³தி⁴ம் ப²லம் த³ர்ஶயதி —
தஸ்மாதி³தி ।
உக்தஹேதோர்யதோ²க்தம் ப்³ரஹ்மைவ ஸர்வமித³ம் ஜக³தி³தி யத்ப்ரதிஜ்ஞாதமித³ம் ஸர்வம் யத³யமாத்மேதி தத்பூர்வோக்தத்³ருஷ்டாந்தப்ரப³ந்த⁴ரூபதர்கவஶாத்ஸாதி⁴தமிதி யோஜநா ।
உத்தரவாக்யஸ்ய விஷயபரிஶேஷார்த²முக்தப்ரலயே பௌராணிகஸம்மதிமாஹ —
ஸ்வாபா⁴விக இதி ।
கார்யாணாம் ப்ரக்ருதாவாஶ்ரிதத்வம் ஸ்வாபா⁴விகத்வம் ।
ப்ரலயாந்தரே(அ)பி தேஷாம் ஸம்மதிம் ஸம்கி³ரதே —
யஸ்த்விதி ।
த்³விதீயப்ரலயமதி⁴க்ருத்யாநந்தரக்³ரந்த²மவதாரயதி —
அவித்³யேதி ।
தத்ரேத்யாத்யந்திகப்ரலயோக்தி: ।