ಸ ಯಥಾ ಸೈಂಧವಖಿಲ್ಯ ಇತ್ಯಾದೇಃ ಸಂಬಂಧಂ ವಕ್ತುಂ ವೃತ್ತಂ ಕೀರ್ತಯತಿ —
ತತ್ರೇತ್ಯಾದಿನಾ ।
ಪೂರ್ವಃ ಸಂದರ್ಭಸ್ತತ್ರೇತ್ಯುಚ್ಯತೇ ।
ಪ್ರತಿಜ್ಞಾತೇಽರ್ಥೇ ಪೂರ್ವೋಕ್ತಂ ಹೇತುಮನೂದ್ಯ ಸಾಧ್ಯಸಿದ್ಧಿಂ ಫಲಂ ದರ್ಶಯತಿ —
ತಸ್ಮಾದಿತಿ ।
ಉಕ್ತಹೇತೋರ್ಯಥೋಕ್ತಂ ಬ್ರಹ್ಮೈವ ಸರ್ವಮಿದಂ ಜಗದಿತಿ ಯತ್ಪ್ರತಿಜ್ಞಾತಮಿದಂ ಸರ್ವಂ ಯದಯಮಾತ್ಮೇತಿ ತತ್ಪೂರ್ವೋಕ್ತದೃಷ್ಟಾಂತಪ್ರಬಂಧರೂಪತರ್ಕವಶಾತ್ಸಾಧಿತಮಿತಿ ಯೋಜನಾ ।
ಉತ್ತರವಾಕ್ಯಸ್ಯ ವಿಷಯಪರಿಶೇಷಾರ್ಥಮುಕ್ತಪ್ರಲಯೇ ಪೌರಾಣಿಕಸಮ್ಮತಿಮಾಹ —
ಸ್ವಾಭಾವಿಕ ಇತಿ ।
ಕಾರ್ಯಾಣಾಂ ಪ್ರಕೃತಾವಾಶ್ರಿತತ್ವಂ ಸ್ವಾಭಾವಿಕತ್ವಮ್ ।
ಪ್ರಲಯಾಂತರೇಽಪಿ ತೇಷಾಂ ಸಮ್ಮತಿಂ ಸಂಗಿರತೇ —
ಯಸ್ತ್ವಿತಿ ।
ದ್ವಿತೀಯಪ್ರಲಯಮಧಿಕೃತ್ಯಾನಂತರಗ್ರಂಥಮವತಾರಯತಿ —
ಅವಿದ್ಯೇತಿ ।
ತತ್ರೇತ್ಯಾತ್ಯಂತಿಕಪ್ರಲಯೋಕ್ತಿಃ ।