பூர்வோத்தரப்³ராஹ்மணயோ: ஸம்க³திம் வக்தும் வ்ருத்தம் கீர்தயதி —
யத்கேவலமிதி ।
கைவல்யம் வ்யாசஷ்டே —
கர்மநிரபேக்ஷமிதி ।
தச்சா(அ)(அ)த்மஜ்ஞாநமுக்தமிதி ஸம்ப³ந்த⁴: । ததோ நிராகாங்க்ஷத்வம் ஸித்³த⁴மிதி சகாரார்த²: ।
ஆத்மஜ்ஞாநம் ஸம்ந்யாஸிநாமேவேதி நியந்தும் விஶிநஷ்டி —
ஸர்வேதி ।
நநு குதஸ்ததோ நைராகாங்க்ஷ்யம் ஸத்யபி தஸ்மிந்விஜ்ஞேயாந்தரஸம்ப⁴வாத³த ஆஹ —
ஆத்மநி சேதி ।
ந வா அரே பத்யுரித்யாதா³வுக்தம் ஸ்மாரயதி —
ஆத்மா சேதி ।
தஸ்ய நிரதிஶயப்ரேமாஸ்பத³த்வேந பரமாநந்த³த்வே ப²லிதமாஹ —
தஸ்மாதி³தி ।
ஸ சேத்³த³ர்ஶநார்ஹஸ்தர்ஹி தத்³த³ர்ஶநே காநி ஸாத⁴நாநீத்யாஸம்க்யா(அ)(அ)ஹ —
ஸ சேதி ।
த³ர்ஶநப்ரகாரா த³ர்ஶநஸ்யோபாயப்ரபே⁴தா³: ।
ஶ்ரவணமநநயோ: ஸ்வரூபவிஶேஷம் த³ர்ஶயதி —
தத்ரேதி ।
கோ(அ)ஸௌ தர்கோ யேநா(அ)(அ)த்மா மந்தவ்யோ ப⁴வதி தத்ரா(அ)(அ)ஹ —
தத்ர சேதி ।
து³ந்து³ப்⁴யாதி³க்³ரந்த²: ஸப்தம்யர்த²: ।
உக்தமேவ தர்கம் ஸம்க்³ருஹ்ணாதி —
ஆத்மைவேதி ।
ப்ரதா⁴நாதி³வாத³மாதா³ய ஹேத்வஸித்³தி⁴ஶங்காயாம் தந்நிராகரணார்த²மித³ம் ப்³ராஹ்மணமிதி ஸம்க³திம் ஸம்கி³ரந்தே —
தத்ராயமிதி ।
கத²ம் ஹேத்வஸித்³தி⁴ஶங்கோத்³த்⁴ரியதே தத்ரா(அ)(அ)ஹ —
யஸ்மாதி³தி ।
தஸ்மாத்ததா²பூ⁴தம் ப⁴விதுமர்ஹதீத்யுத்தரத்ர ஸம்ப³ந்த⁴: ।
அந்யோந்யோபகார்யோபகாரகபூ⁴தம் ஜக³தே³கசைதந்யாநுவித்³த⁴மேகப்ரக்ருதிகம் சேத்யத்ர வ்யாப்திமாஹ —
யச்சேதி ।
த்³ருஷ்டம் ஸ்வப்நாதீ³தி ஶேஷ: ।
த்³ருஷ்டாந்தே ஸித்³த⁴மர்த²ம் தா³ர்ஷ்டாந்திகே யோஜயதி —
தஸ்மாதி³தி ।
தச்ச²ப்³தா³ர்த²ம் ஸ்பு²டயதி —
பரஸ்பரேதி ।
ததா²பூ⁴தமித்யேககாரணபூர்வகாதி³ க்³ருஹ்யதே । விமதமேககாரணம் பரஸ்பரோபகார்யோபகாரகபூ⁴தத்வாத்ஸ்வப்நவதி³த்யயுக்தம் ஹேத்வஸித்³தே⁴: ।
ந ஹி ஸர்வம் ஜக³த்பரஸ்பரோபகார்யோபராரகபூ⁴தமித்யாஶங்க்யா(அ)(அ)ஹ —
ஏஷ ஹீதி ।
ஹேத்வஸித்³தி⁴ஶங்காம் பரிஹர்தும் ப்³ராஹ்மணமிதி ஸம்க³திமுக்த்வா ப்ரகாராந்தரேண தாமாஹ —
அத²வேதி ।
ப்ரதிஜ்ஞாஹேதூ க்ரமேணோக்த்வா ஹேதுஸஹிதஸ்ய ப்ரதிஜ்ஞார்த²ஸ்ய புநர்வசநம் நிக³மநமித்யத்ர தார்கிகஸம்மதிமாஹ —
ததா² ஹீதி ।
ப⁴ர்த்ருப்ரபஞ்சாநாம் ப்³ராஹ்மணாரம்ப⁴ப்ரகாரமநுவத³தி —
அந்யைரிதி ।
த்³ரஷ்டவ்யாதி³வாக்யாதா³ராப்⁴யா(அ)(அ)து³ந்து³பி⁴த்³ருஷ்டாந்தாதா³க³மவசநம் ஶ்ரோதவ்ய இத்யுக்தஶ்ரவணநிரூபணார்த²ம் । து³ந்து³பி⁴த்³ருஷ்டாந்தாதா³ரப்⁴ய மது⁴ப்³ராஹ்மணாத்ப்ராகு³பபத்திப்ரத³ர்ஶநேந மந்தவ்ய இத்யுக்தமநநநிரூபணார்த²மாக³மவசநம் । நிதி³த்⁴யாஸநம் வ்யாக்²யாதும் புநரேதத்³ப்³ராஹ்மணமித்யர்த²: ।
ஏதத்³தூ³ஷயதி —
ஸர்வதா²(அ)பீதி ।
ஶ்ரவணாதே³ர்விதே⁴யத்வே(அ)விதே⁴யத்வே(அ)பீதி யாவத் । அந்வயவ்யதிரேகாப்⁴யாம் ஶ்ரவணே ப்ரவ்ருத்தஸ்ய தத்பௌஷ்கல்யே ஸத்யர்த²லப்³த⁴ம் மநநம் ந விதி⁴மபேக்ஷதே । யதா² தர்கதோ மதம் தத்த்வம் ததா² தஸ்ய தர்காக³மாப்⁴யாம் நிஶ்சிதஸ்யோப⁴யஸாமர்த்²யாதே³வ நிதி³த்⁴யாஸநஸித்³தௌ⁴ தத³பி வித்⁴யநபேக்ஷமேவேத்யர்த²: ।
த்ரயாணாம் வித்⁴யநபேக்ஷத்வே ப²லிதமாஹ —
தஸ்மாதி³தி ।
இதி பரகீயவ்யாக்²யாநமயுக்தமிதி ஶேஷ: ।
ஸித்³தா⁴ந்தே(அ)பி ஶ்ரவணாதி³வித்⁴யப்⁴யுபக³மாத்கத²ம் பரகீயம் ப்ரஸ்தா²நம் ப்ரத்யாக்²யாதமித்யாஶங்க்யா(அ)(அ)ஹ —
ஸர்வதா²பி த்விதி ।
தத்³வித்⁴யப்⁴யுபக³மே(அ)பீதி யாவத் ।