ஏவம் ஸம்க³திம் ப்³ராஹ்மணஸ்யோக்த்வா தத³க்ஷராணி வ்யாகரோதி —
இயமித்யாதி³நா ।
யது³க்தம் மத்⁴விவ மத்⁴விதி தத்³விவ்ருணோதி —
யதே²தி ।
ந கேவலமுக்தம் மது⁴த்³வயமேவ கிந்து மத்⁴வந்தரம் சாஸ்தீத்யாஹ —
கிஞ்சேதி ।
புருஷஶப்³த³ஸ்ய க்ஷேத்ரவிஷயத்வம் வாரயதி —
ஸ சேதி ।
தஸ்ய ப்ருதி²வீவந்மது⁴த்வமாஹ —
ஸ ச ஸர்வேஷாமிதி ।
ஸர்வேஷாம் ச பூ⁴தாநாம் தம் ப்ரதி மது⁴த்வம் த³ர்ஶயதி —
ஸர்வாணி சேதி ।
நந்வாத்³யமேவ மது⁴த்³வயம் ஶ்ருதமஶ்ருதம் து மது⁴த்³வயமஶக்யம் கல்பயிதும் கல்பகாபா⁴வாத³த ஆஹ —
சஶப்³தே³தி ।
ப்ரத²மபர்யாயார்த²முபஸம்ஹரதி —
ஏவமிதி ।
ப்ருதி²வீ ஸர்வாணி பூ⁴தாநி பார்தி²வ: புருஷ: ஶரீரஶ்சேதி சதுஷ்டயமேகம் மத்⁴விதி ஶேஷ: ।
மது⁴ஶப்³தா³ர்த²மாஹ —
ஸர்வேதி ।
அஸ்யேதி ப்ருதி²வ்யாதே³ரிதி யாவத் ।
பரஸ்பரோபகார்யோபகாரகபா⁴வே ப²லிதமாஹ —
அத இதி ।
அஸ்யேதி ஸர்வம் ஜக³து³ச்யதே । உக்தம் ச யஸ்மாத்பரஸ்பரோபகார்யோபகாரகபூ⁴தமித்யாதி³ ।
ப⁴வத்வநேந ந்யாயேந மது⁴பர்யாயேஷு ஸர்வேஷு காரணோபதே³ஶோ ப்³ரஹ்மோபதே³ஶஸ்து கத²மித்யாஶங்க்யா(அ)(அ)ஹ —
யஸ்மாதி³தி ।
ஸ ப்ரக்ருத ஆத்மைவாயம் சதுர்தோ⁴க்தோ பே⁴த³ இதி யோஜநா । இத³மிதி சதுஷ்டயகல்பநாதி⁴ஷ்டா²நவிஷயம் ஜ்ஞாநம் பராம்ருஶதி । இத³ம் ப்³ரஹ்மேத்யத்ர சதுஷ்டயாதி⁴ஷ்டா²நமித³ம்ஶப்³தா³ர்த²: ।
த்ருதீயே ச தஸ்ய ப்ரக்ருதத்வம் த³ர்ஶயதி —
யத்³விஷயேதி ।
இத³ம் ஸர்வமித்யத்ர ப்³ரஹ்மஜ்ஞாநமித³மித்யுக்தம் । ஸர்வம் ஸர்வாப்திஸாத⁴நமிதி யாவத் ।
ததே³வ ஸ்பஷ்டயதி —
யஸ்மாதி³தி ॥1॥