దక్షిణత ఆహవనీయస్యేతి శేషః । ప్రాసంగికం బహువచనమిత్యుక్తం ప్రకటయతి —
ఎకయాహీతి ।
జల్పకథా ప్రస్తుతేతి హృది నిధాయ బహూక్తేర్గత్యన్తరమాహ —
అథవేతి ।
మనసో దేవతాత్వం సాధయతి —
మనసేతి ।
వర్తనీ వర్త్మనీ తయోర్వాఙ్మనసయోర్వర్త్మనోరన్యతరాం వాచం మనసా మౌనేన బ్రహ్మా సంస్కరోతి వాగ్విసర్గే ప్రాయశ్చిత్తవిధానాదితి శ్రుత్యన్తరస్యార్థః ।
తథాఽపి కథం సంపదః సిద్ధిస్తత్రాఽఽహ —
తచ్చేతి ।
దేవాః సర్వే యస్మిన్మనస్యేకం భవన్త్యభిన్నత్వం ప్రతిపద్యన్తే తస్మిన్విశ్వదేవదృష్ట్యా భవత్యనన్తలోకప్రాప్తిరితి శ్రుత్యన్తరస్యార్థః ।
అనన్తమేవేత్యాది వ్యాచష్టే —
తేనేతి ।
ఉక్తేన ప్రకారేణేతి యావత్ । తేన మనసి విశ్వదేవదృష్ట్యధ్యాసేనేత్యర్థః । స ఇత్యుపాసకోక్తిః ॥౯॥