ப்³ராஹ்மணாந்தரமவதாரயந்நாக்²யாயிகா கிமர்தே²தி ஶங்கமாநம் ப்ரத்யாஹ —
ஆக்²யாயிகேதி ।
யாஜ்ஞவல்க்யோ ஹி வித்³யாப்ரகர்ஷவஶாத³த்ர பூஜாபா⁴கீ³ லக்ஷ்யதே நா(அ)(அ)ர்தபா⁴க³ஸ்ததா² வித்³யாமாந்த்³யாத³தோ வித்³யாஸ்துத்யர்தே²யமாக்²யாயிகேத்யர்த²: ।
இதா³நீம் ப்³ராஹ்மணார்த²ம் வக்தும் வ்ருத்தம் கீர்தயதி —
ம்ருத்யோரிதி ।
ம்ருத்யுஸ்வரூபம் ப்ருச்ச²தி —
க: புநரஸாவிதி ।
தத்ஸ்வரூபநிரூபணார்த²ம் ப்³ராஹ்மணமுத்தா²பயதி —
ஸ சேதி ।
ம்ருத்யுரிதி ஸம்ப³ந்த⁴: । ஸ்வாபா⁴விகம் நைஸர்கி³கமநாதி³ஸித்³த⁴மஜ்ஞாநம் தஸ்மாதா³ஸம்க³: ஸ ஆஸ்பத³மிவா(அ)(அ)ஸ்பத³ம் யஸ்ய ஸ ததே²தி விக்³ரஹ: ।
தஸ்ய விஷயமுக்த்வா வ்யப்திமாஹ —
அத்⁴யாத்மேதி ।
தஸ்ய ஸ்வரூபமாஹ —
க்³ரஹேதி ।
யதோ²க்தம்ருத்யுவ்யாப்திமக்³ந்யாதீ³நாம் கத²யதி —
தஸ்மாதி³தி ।
தாந்யபி க்³ரஹாதிக்³ரஹக்³ருஹீதாந்யேவார்தோ²ந்த்³ரியஸம்ஸர்கி³த்வாதி³த்யர்த²: । தத்³க³தோ விஶேஷோ(அ)க்³ந்யாதி³க³தோ த்³ருஷ்டிபே⁴த³ இதி யாவத் । கஶ்சித்³வ்யாக்²யாத இதி ஸம்ப³ந்த⁴: ।
ஸூத்ரஸ்யாபி ம்ருத்யுக்³ரஸ்தத்வமபி⁴ப்ரேத்யா(அ)(அ)ஹ —
தச்சேதி ।
அக்³ந்யாதி³த்யாத்³யாத்மகம் ஸௌத்ரம் பத³மிதி யாவத் । ப²லம் யதோ²க்தம்ருத்யுக்³ரஸ்தமிதி ஶேஷ: ।
கிமிதி ம்ருத்யோர்ப³ந்த⁴நரூபஸ்ய ஸ்வரூபமுச்யதே தத்ரா(அ)(அ)ஹ —
ஏதஸ்மாதி³தி ।
நநு மோக்ஷே கர்தவ்யே ப³ந்த⁴ரூபோபவர்ணநமநுபயுக்தமித்யாஶங்க்யா(அ)(அ)ஹ —
ப³த்³த⁴ஸ்ய ஹீதி ।
அக்³ந்யாதீ³நாம் யதோ²க்தம்ருத்யுவ்யாப்திமுக்தாம் வ்யக்தீகரோதி —
யத³பீதி ।
அவிநிர்முக்த ஏவாதிமுக்தோ(அ)பீதி ஶேஷ: ।
ததா²(அ)பி கத²ம் ஸூத்ரஸ்ய யதோ²க்தம்ருத்யுவ்யாப்திஸ்தத்ரா(அ)(அ)ஹ —
ததா² சேதி ।
ததா²(அ)பி கத²மக்³ந்யாதீ³நாம் ம்ருத்யுவ்யாப்திர்ந ஹி தத்ர ப்ரமாணமஸ்தி தத்ரா(அ)(அ)ஹ —
ஏக இதி ।
ப³ஹவா இதி ச்சா²ந்த³ஸம் ।
ததா²(அ)பி விது³ஷோ ம்ருத்யோரதிமுக்தஸ்ய ந ததா³ப்திரித்யாஶங்க்யா(அ)(அ)ஹ —
ததா³த்மேதி ।
ஸௌத்ரே பதே³ ம்ருத்யுவ்யாப்திம் ப்ரகாராந்தரேண ப்ரகடயதி —
ந சேதி ।
மநஸி கார்யகரணரூபேண தி³வஶ்சா(அ)(அ)தி³த்யஸ்ய சைக்யமஸ்து ததா²(அ)பி கத²ம் க்³ரஹாதிக்³ரஹக்³ருஹீதத்வம் ஸூத்ரஸ்யேத்யாஶங்க்யா(அ)(அ)ஹ —
மநஶ்சேதி ।
வாகா³தே³ர்வக்தவ்யாதே³ஶ்ச க்³ரஹத்வே(அ)திக்³ரஹத்வே ச ஹிரண்யக³ர்பே⁴ கிமாயாதமித்யாஶங்க்யா(அ)(அ)ஹ —
ததே²தி ।
கர்மப²லஸ்ய ஸம்ஸாரத்வாச்ச தத்ப²லம் ஸௌத்ரம் பத³ம் ம்ருத்யுக்³ரஸ்தமேவேத்யாஹ —
ஸுவிசாரிதம் சேதி ।
யதே³வ கர்மப³ந்த⁴ப்ரவ்ருத்திப்ரயோஜகம் ததே³வ ப³ந்த⁴நிவ்ருத்தேர்ந காரணமத: கர்மப²லம் ஹைரண்யக³ர்ப⁴ம் பத³ம் ப³ந்த⁴நமேவேத்யர்த²: ।