பூர்வவதி³த்யபி⁴முகீ²கரணாயேத்யர்த²: । ப்ரதிவசநமுபாத³த்தே —
ஸ்தோத்ரியா வேதி ।
ப்ரகீ³தம்ருக்³ஜாதம் ஸ்தோத்ரமப்ரகீ³தம் ஶஸ்த்ரம் ।
கதமாஸ்தாஸ்திஸ்ர இத்யாதே³ஸ்தாத்பர்யமாஹ —
தாஶ்சேதி ।
ப்ரஶ்நாந்தரம் வ்ருத்தமநூத்³யோபாத³த்தே —
தத்ரேதி ।
யஜ்ஞாதி⁴கார: ஸப்தம்யர்த²: ।
புரோநுவாக்யாதி³நா லோகத்ரயஜயலக்ஷணம் ப²லம் கேந ஸாமாந்யேநேத்யபேக்ஷாயாம் ஸம்க்²யாவிஶேஷேணேத்யுக்தம் ஸ்மாரயதி —
ததி³தி ।
அதி⁴யஜ்ஞே த்ரயமுக்தம் ஸ்மாரயித்வா(அ)த்⁴யாத்மவிஶேஷம் த³ர்ஶயிதுமுத்தரோ க்³ரந்த² இத்யாஹ —
உச்யத இதி ।
ப்ராணாதௌ³ புரோநுவாக்யாதௌ³ ச ப்ருதி²வ்யாதி³லோகத்³ருஷ்டிரிதி ப்ரஶ்நபூர்வகமாஹ —
கதமா இதி ।
அபாநே யாஜ்யாத்³ருஷ்டௌ ஹேத்வந்தரமாஹ —
அபாநேந ஹீதி ।
ஹஸ்தாத்³யாதா³நவ்யாபாரேணேதி யாவத் ।
ப்ராணாபாநவ்யாபாரவ்யதிரேகேண ஶஸ்த்ரப்ரயோக³ஸ்ய ஶ்ருத்யந்தரே ஸித்³த⁴த்வாத்³வ்யாநே ஶஸ்யாத்³ருஷ்டிரித்யாஹ —
அப்ராணந்நிதி ।
தத்ர புரோநுவாக்யாதி³ஷு சேதி யாவத் । இஹேத்யநந்தரவாக்யோக்தி: । ஸர்வமந்யதி³தி ஸம்க்²யாஸாமாந்யோக்தி: ।
கிம் தத்³விஶேஷஸம்ப³ந்த⁴ஸாமாந்யம் ததா³ஹ —
லோகேதி ।
ப்ருதி²வீலக்ஷணேந லோகேந ஸஹ ப்ரத²மத்வேந ஸம்ப³ந்த⁴ஸாமாந்யம் புரோநுவாக்யாயாமஸ்தி தேந தயா ப்ருதி²வீலோகமேவ ப்ராப்நோதீத்யர்த²: । அஶ்வலஸ்ய தூஷ்ணீபா⁴வம் ப⁴ஜதோ(அ)பி⁴ப்ராயமாஹ । நாயமிதி ॥10॥