अद्वैतशारदा | दक्षिणाम्नाय श्रीशारदापीठम्, शृङ्गेरी

ಪ್ರಾಣೋ ವೈ ಗ್ರಹಃ ಸೋಽಪಾನೇನಾತಿಗ್ರಾಹೇಣ ಗೃಹೀತೋಽಪಾನೇನ ಹಿ ಗಂಧಾಂಜಿಘ್ರತಿ ॥ ೨ ॥

ತತ್ರ ಆಹ — ಪ್ರಾಣೋ ವೈ ಗ್ರಹಃ — ಪ್ರಾಣ ಇತಿ ಘ್ರಾಣಮುಚ್ಯತೇ, ಪ್ರಕರಣಾತ್ ; ವಾಯುಸಹಿತಃ ಸಃ ; ಅಪಾನೇನೇತಿ ಗಂಧೇನೇತ್ಯೇತತ್ ; ಅಪಾನಸಚಿವತ್ವಾತ್ ಅಪಾನೋ ಗಂಧ ಉಚ್ಯತೇ ; ಅಪಾನೋಪಹೃತಂ ಹಿ ಗಂಧಂ ಘ್ರಾಣೇನ ಸರ್ವೋ ಲೋಕೋ ಜಿಘ್ರತಿ ; ತದೇತದುಚ್ಯತೇ — ಅಪಾನೇನ ಹಿ ಗಂಧಾಂಜಿಘ್ರತೀತಿ ॥

ತತ್ರಾಹೇತಿ ; ಪ್ರಕರಣಾದಿತಿ ; ವಾಯುಸಹಿತ ಇತಿ ; ಅಪಾನೇತಿ ; ಅಪಾನೋಪಹೃತಂ ಹೀತಿ ; ತದೇತದಿತಿ ॥ ೨ ॥ ;

ದ್ವಿತೀಯೇ ಪ್ರಶ್ನೇ ಪರಿಹಾರಮುತ್ಥಾಪಯತಿ —

ತತ್ರಾಹೇತಿ ।

ಘ್ರಾಣಶಬ್ದಸ್ಯ ಘ್ರಾಣವಿಷಯತ್ವೇ ಪೂರ್ವೋತ್ತರಗ್ರಂಥಯೋರ್ವಾಗಾದೀನಾಂ ಪ್ರಕೃತತ್ವಂ ಹೇತುಮಾಹ —

ಪ್ರಕರಣಾದಿತಿ ।

ತಸ್ಯ ಗಂಧೇನ ಗೃಹೀತತ್ವಸಿದ್ಧ್ಯರ್ಥಂ ವಿಶಿನಷ್ಟಿ —

ವಾಯುಸಹಿತ ಇತಿ ।

ಅಪಾನಶಬ್ದಸ್ಯ ಗಂಧವಿಷಯತ್ವೇ ಗಂಧಸ್ಯಾಪಾನೇನಾವಿನಾಭಾವಂ ಹೇತುಮಾಹ —

ಅಪಾನೇತಿ ।

ತತ್ರೈವ ಹೇತ್ವಂತರಮಾಹ —

ಅಪಾನೋಪಹೃತಂ ಹೀತಿ ।

ಅಪಶ್ವಾಸೋಽತ್ರಾಪಾನಶಬ್ದಾರ್ಥಃ ।

ಉಕ್ತೇಽರ್ಥೇ ವಾಕ್ಯಂ ಪಾತಯತಿ —

ತದೇತದಿತಿ ॥ ೨ ॥