ద్వితీయే ప్రశ్నే పరిహారముత్థాపయతి —

తత్రాహేతి ।

ఘ్రాణశబ్దస్య ఘ్రాణవిషయత్వే పూర్వోత్తరగ్రన్థయోర్వాగాదీనాం ప్రకృతత్వం హేతుమాహ —

ప్రకరణాదితి ।

తస్య గన్ధేన గృహీతత్వసిద్ధ్యర్థం విశినష్టి —

వాయుసహిత ఇతి ।

అపానశబ్దస్య గన్ధవిషయత్వే గన్ధస్యాపానేనావినాభావం హేతుమాహ —

అపానేతి ।

తత్రైవ హేత్వన్తరమాహ —

అపానోపహృతం హీతి ।

అపశ్వాసోఽత్రాపానశబ్దార్థః ।

ఉక్తేఽర్థే వాక్యం పాతయతి —

తదేతదితి ॥ ౨ ॥