ஹிரண்யக³ர்பா⁴த³ந்யோ(அ)நந்யோ வா வித்³யாதி⁴காரீ ப்ரத²மே(அ)பி ம்ருதஸ்ய ஜீவதோ வா வித்³யாதி⁴காரோ விவக்ஷிதஸ்த்வயேதி ப்ருச்ச²தி —
தத்ரேதி ।
தத்ர(அ)(அ)த்³யமாக்ஷிபதி —
விஶீர்ணேஷ்விதி ।
ஆக்ஷேபம் ஸ்பு²டயிதும் ததீ³யாமுக்திமநுவத³தி —
ஸமவநீதேதி ।
நாமமாத்ராவஶிஷ்டஸ்யாதி⁴காரோ வித்³யாயாமிதி ஶேஷ: ।
ஸமவநீதப்ராணஸ்யேத்யத்ர ஶ்ருதிம் ஸம்வாத³யதி —
ம்ருத இதி ।
கத²மேதாவதா யதோ²க்தாக்ஷேபஸித்³தி⁴ஸ்தத்ரா(அ)(அ)ஹ —
ந மநோரதே²நேதி ।
உபஸம்ஹ்ருதப்ராணஸ்ய ஶ்ரவணாத்³யதி⁴காரித்வமேதச்ச²ப்³தா³ர்த²: ।
த்³விதீயம் ஶங்கதே —
அதே²தி ।
அபாவ்ருதோ வித்³யாதி⁴காரீதி ஶேஷ: ।
ஜீவதோ போ⁴ஜ்யாத்³வ்யாவர்தநம் ஸம்யக்³தி⁴யம் விநா து³:ஶகமிதி மத்வா ப்ருச்ச²தி —
தத்த்விதி ।
அப்ராப்தே காமோ ப⁴வதி ப்ராப்தே நிவர்தத இதி ப்ரஸித்³தே⁴ரபரவித்³யயா கர்மஸமுச்சிதயா ஹைரண்யக³ர்ப⁴பத³ப்ராப்திரேவ தந்நிவ்ருத்திகாரணமிதி ஶங்கதே —
ஸமஸ்தேதி ।
அபரவித்³யாஸமுச்சிதம் கர்ம ஹைரண்யக³ர்ப⁴போ⁴க³ப்ராபகம் ந போ⁴க்³யாந்நிவ்ருத்திஸாத⁴நமிதி த்ருதீயே வ்யுத்பாதி³தமிதி பரிஹரதி —
தத்பூர்வமேவேதி ।
உக்தமேவ வ்யக்தீகுர்வந்விப⁴ஜதே —
கர்மஸஹிதேநேதி ।
அதை²கமேவ ஸமுச்சிதம் கர்மோப⁴யார்த²ம் கிம் ந ஸ்யாத³த ஆஹ —
நசேதி ।
உப⁴யார்த²த்வாபா⁴வம் ஸமர்த²யதே —
ஹிரண்யக³ர்பே⁴த்யாதி³நா ।
ஸமுச்சிதம் கர்ம நோப⁴யார்த²மித்யத்ர த்³ருஷ்டாந்தமாஹ —
ந ஹீதி ।
ஹிரண்யக³ர்போ⁴ வித்³யாதி⁴காரீதி பக்ஷம் நிக்ஷிபதி —
அதே²தி ।
தூ³ஷயதி —
தத இதி ।
நநு மஹாநுபா⁴வாநாமஸ்மத்³விஶிஷ்டாநாமேவ ப்³ரஹ்மவித்³யோபதி³ஶ்யமாநா மோக்ஷம் ப²லயதி நாஸ்மாகமித்யாஶங்க்யா(அ)(அ)ஹ —
ஸர்வேஷாமிதி ।
ந ச த்வந்மதே(அ)பி யத்³த்³வாரா ஶ்ரவணாதி³ க்ருத்வா வித்³யோத³யஸ்தத்³த்³வாரைவ சிதா³த்மநோ முக்திஸித்³தௌ⁴ க்ருதமிதரத்ர ஶ்ரவணாதி³நேதி வாச்யம் । த்³வாரபே⁴த³ஸ்யாநுஷ்டா²த்ருவிபா⁴கா³தீ⁴நப்ரவ்ருத்திப்ரயுக்தப்ரயோஜநவத்³வித்³யோத³யஸ்ய ச கால்பநிகத்வேந யதா²ப்ரதீதி வ்யவஸ்தோ²பபத்தே: । வஸ்துதோ நிர்விஶேஷே சிந்மாத்ரே நாவித்³யாவித்³யே ப³ந்த⁴முக்தீ சேத்யபி⁴ப்ரேத்ய பரபக்ஷநிராகரணமுபஸம்ஹ்ருத்ய ஶ்ருதிவ்யாக்²யாநம் ப்ரஸ்தௌதி —
தஸ்மாதி³தி ।