ப்³ராஹ்மணாந்தரமவதார்ய வ்ருத்தம் கீர்தயதி —
அதே²த்யாதி³நா ।
உக்தமேவ தஸ்ய ம்ருத்யுத்வம் வ்யக்தீகரோதி —
யஸ்மாதி³தி ।
அக்³நிர்வை ம்ருத்யுரித்யாதா³வுக்தம் ஸ்மாரயதி —
தஸ்மாதி³தி ।
யத்ராயமித்யாதா³வுக்தமநுத்³ரவதி —
முக்தஸ்ய சேதி ।
யத்ராஸ்யேத்யாதௌ³ நிர்ணீதமநுபா⁴ஷதே —
தத்ரேதி ।
பூர்வப்³ராஹ்மணஸ்தோ² க்³ரந்த²: ஸப்தம்யர்த²: । தஸ்ய சாவதா⁴ரிதமித்யநேந ஸம்ப³ந்த⁴: । ஸம்ஸரதாம் முச்யமாநாநாம் ச யாநி கார்யகரணாநி தேஷாமிதி வையதி⁴கரண்யம் । அநுபாதா³நமுபாதா³நமித்யுப⁴யத்ர கார்யகரணாநாமிதி ஸம்ப³ந்த⁴: ।
கர்மணோ பா⁴வாபா⁴வாப்⁴யாம் ப³ந்த⁴மோக்ஷாவுக்தௌ தத்ராபா⁴வத்³வாரா கர்மணோ மோக்ஷஹேதுத்வம் ஸ்பு²டயதி —
தத்க்ஷயே சேதி ।
தஸ்ய பா⁴வத்³வாரா ப³ந்த⁴ஹேதுத்வம் ப்ரகடயதி —
தச்சேதி ।
புண்யபாபயோருப⁴யோரபி ஸம்ஸாரப²லத்வாவிஶேஷாத்புண்யப²லவத்பாபப²லமப்யத்ர வக்தவ்யமந்யதா² ததோ விராகா³யோகா³தி³த்யாஶங்க்ய வர்திஷ்யமாணஸ்ய தாத்பர்யம் வக்தும் பூ⁴மிகாம் கரோதி —
தத்ரேதி ।
புண்யேஷ்வபுண்யேஷு ச நிர்தா⁴ரணார்தா² ஸப்தமீ । ஸ்வபா⁴வது³:க²ப³ஹுலேஷ்வித்யுப⁴யத: ஸம்ப³த்⁴யதே । தர்ஹி புண்யப²லமபி ஸர்வலோகப்ரஸித்³த⁴த்வாந்நாத்ர வக்தவ்யமித்யாஶங்க்யா(அ)(அ)ஹ —
யஸ்த்விதி ।
ஶாஸ்த்ரீயம் ஸுகா²நுப⁴வமிதி ஶேஷ: ।
இஹேதி ப்³ராஹ்மணோக்தி: ஶாஸ்த்ரீயம் கர்ம ஸர்வமபி ஸம்ஸாரப²லமேவேதி வக்தும் ப்³ராஹ்மணமித்யுக்த்வா ஶங்கோத்தரத்வேநாபி தத³வதாரயதி —
புண்யமேவேத்யாதி³நா ।
மோக்ஷஸ்ய புண்யஸாத்⁴யத்வம் விதா⁴ந்தரேண ஸாத⁴யதி —
யாவத்³யாவதி³தி ।
கத²ம் தஸ்யா நிவர்தநமித்யாஶங்க்யா(அ)(அ)ஹ —
ஜ்ஞாநஸஹிதஸ்யேதி ।
ஸமுச்சிதமபி கர்ம ஸம்ஸாரப²லமேவேத்யத்ர ஹேதுமாஹ —
வ்யாக்ருதேதி ।
மோக்ஷே(அ)பி ஸ்வர்கா³தா³விவ புருஷார்த²த்வாவிஶேஷாத்கர்மணோ வ்யாபார: ஸ்யாதி³த்யாஶங்க்யா(அ)(அ)ஹ —
ந த்விதி ।
அகார்யத்வமுத்பத்திஹீநத்வம் । நித்யத்வம் நாஶஶூந்யத்வம் । அவ்யாக்ருதத⁴ர்மித்வம் வ்யாக்ருதநாமரூபராஹித்யம் ।
’அஶப்³த³மஸ்பர்ஶம்’ இத்யாதி³ ஶ்ருதிமாஶ்ரித்யா(அ)(அ)ஹ —
அநாமேதி ।
’நிஷ்கலம் நிஷ்க்ரியம்’ இத்யாதி³ஶ்ருதிமாஶ்ரித்யா(அ)(அ)ஹ —
க்ரியேதி ।
சதுர்வித⁴க்ரியாப²லவிலக்ஷணே மோக்ஷே கர்மணோ வ்யாபாரோ ந ஸம்ப⁴வதீதி பா⁴வ: ।
நந்வா ஸ்தா²ணோரா ச ப்ரஜாபதே: ஸர்வத்ர கர்மவ்யாபாராத்கத²ம் மோக்ஷே ப்ரஜாபதிபா⁴வலக்ஷணே தத்³வ்யாபாரோ நாஸ்தி தத்ரா(அ)(அ)ஹ —
யத்ர சேதி ।
கர்மப²லஸ்ய ஸர்வஸ்ய ஸம்ஸாரத்வமேவேதி குத: ஸித்⁴யதி தத்ரா(அ)(அ)ஹ —
இத்யஸ்யேதி ।