ப்³ராஹ்மணாந்தரமவதாரயதி —
அதே²தி ।
தஸ்யாபுநருக்தமர்த²ம் வக்துமார்தபா⁴க³ப்ரஶ்நே வ்ருத்தம் கீர்தயதி —
புண்யேதி ।
பு⁴ஜ்யுப்ரஶ்நாந்தே ஸித்³த⁴மர்த²மநுத்³ரவதி —
புண்யஸ்ய சேதி ।
நாமரூபாப்⁴யாம் வ்யாக்ருதம் ஜக³த்³தி⁴ரண்யக³ர்பா⁴த்மகம் தத்³விஷயமுத்கர்ஷம் விஶிநஷ்டி ।
ஸமஷ்டீதி ।
கத²ம் யதோ²க்தோத்கர்ஷஸ்ய புண்யகர்மப²லத்வம் தத்ரா(அ)(அ)ஹ —
த்³வைதேதி ।
ஸம்ப்ரத்யநந்தரப்³ராஹ்மணஸ்ய விஷயம் த³ர்ஶயதி —
யஸ்த்விதி ।
மாத்⁴யமிகாநாமந்யேஷாம் சா(அ)(அ)த்³யோ விவாத³: கிம்லக்ஷணோ தே³ஹாதீ³நாமந்யதமஸ்தேப்⁴யோ விலக்ஷணோ வேதி யாவத் ।
இத்யேவம் விம்ருஶ்யா(அ)(அ)த்மநோ தே³ஹாதி³ப்⁴யோ விவேகேநாதி⁴க³மாயேத³ம் ப்³ராஹ்மணமித்யாஹ —
இத்யாத்மந இதி ।
விவேகாதி⁴க³மஸ்ய பே⁴த³ஜ்ஞாநத்வேநாநர்த²கரத்வமாஶங்க்ய கஹோலப்ரஶ்நதாத்பர்யம் ஸம்க்³ருஹ்ணாதி —
தஸ்ய சேதி ।
ப்³ராஹ்மணஸம்ப³ந்த⁴முக்த்வா(அ)(அ)க்²யாயிகாஸம்ப³ந்த⁴மாஹ —
ஆக்²யாயிகேதி ।
வித்³யாஸ்துத்யர்தா² ஸுகா²வபோ³தா⁴ர்தா² சா(அ)(அ)க்²யாயிகேத்யர்த²: । பு⁴ஜ்யுப்ரஶ்நநிர்ணயாநந்தர்யமத²ஶப்³தா³ர்த²: । ஸம்போ³த⁴நமபி⁴முகீ²கரணார்த²ம் । த்³ரஷ்டுரவ்யவஹிதமித்யுக்தே க⁴டாதி³வத³வ்யவதா⁴நம் கௌ³ணமிதி ஶங்க்யேத தந்நிராகர்துமபரோக்ஷாதி³த்யுக்தம் । முக்²யமேவ த்³ரஷ்டுரவ்யவஹிதம் ஸ்வரூபம் ப்³ரஹ்ம । ததா² ச த்³ரஷ்ட்ரதீ⁴நஸித்³த⁴த்வாபா⁴வாத்ஸ்வதோ(அ)பரோக்ஷமித்யர்த²: ।