ஶ்ரோத்ரம் ப்³ரஹ்ம மநோ ப்³ரஹ்மேத்யாதி³ யதா² கௌ³ணம் ந ததா² கௌ³ணம் த்³ரஷ்டுரவ்யவஹிதம் ப்³ரஹ்மாத்³விதீத்வாதி³த்யாஹ —
ந ஶ்ரோத்ரேதி ।
உக்தமவ்யவதா⁴நமாகாங்க்ஷாத்³வாரா(அ)நந்தரவாக்யேந ஸாத⁴யதி —
கிம் ததி³த்யாதி³நா ।
தஸ்ய பரிச்சி²ந்நத்வஶங்காம் வாரயதி —
ஸர்வஸ்யேதி ।
ஸர்வநாமப்⁴யாம் ப்ரத்யக்³ப்³ரஹ்ம விஶேஷ்யம் ஸமர்ப்யத இதரைஸ்து ஶப்³தை³ர்விஶேஷணாநீதி விபா⁴க³மபி⁴ப்ரேத்யா(அ)(அ)ஹ —
யத்³ய: ஶப்³தா³ப்⁴யாமிதி ।
இதிருச்யத இத்யநேந ஸம்ப³த்⁴யதே । இதிஶப்³தோ³ த்³விதீய: ப்ரஶ்நஸமாப்த்யர்த²: ।
தமேவ ப்ரஶ்நம் விவ்ருணோதி —
விஸ்பஷ்டமிதி ।
த்வமர்தே² வாக்யார்தா²ந்வயயோக்³யே ப்ருஷ்டே தத்ப்ரத³ர்ஶநார்த²ம் ப்ரத்யுக்திமவதாரயதி —
ஏவமுக்த இதி ।
ஸர்வாந்தர இதி விஶேஷோக்த்யா ப்ரஶ்நஸ்ய விஶேஷணாந்தராணாமநாஸ்தா²மாஶங்க்ய(அ)(அ)ஹ —
ஸர்வவிஶேஷணேதி ।
ஏஷ ஸர்வாந்தர இதி பா⁴க³ஸ்யார்த²ம் விவ்ருணோதி —
யத்ஸாக்ஷாதி³தி ।
ஏஷஶப்³தா³ர்த²ம் ப்ரஶ்நபூர்வகமாஹ —
கோ(அ)ஸாவிதி ।
ஆத்மஶப்³தா³ர்த²ம் விவ்ருணோதி —
யோ(அ)யமிதி ।
யேநேத்யத்ர ஸஶப்³தோ³ த்³ரஷ்டவ்ய: ।
ஷஷ்ட்²யர்த²ம் ஸ்பஷ்டயதி —
தவேதி ।
ப்ரஶ்நாந்தரமுத்தா²ப்ய ப்ரதிவக்தி —
தத்ரேத்யாதி³நா ।
ஸர்வாந்தரஸ்தவா(அ)(அ)த்மேத்யுக்தே ஸதீதி யாவத் । த்ருதீயோ மாத்ருஸாக்ஷீ ப்ரணீயதே ப்ராணநவிஶிஷ்ட: க்ரியத இதி யாவத் ।
கத²மேதாவதா ஸந்தே³ஹோ(அ)பாக்ருத இத்யாஶங்க்ய விவக்ஷிதமநுமாநம் வக்தும் வ்யாப்திமாஹ —
ஸர்வா இதி ।
யா க²ல்வசேதநப்ரவ்ருத்தி: ஸா சேதநாதி⁴ஷ்டா²நபூர்விகா யதா² ரதா²தி³ப்ரவ்ருத்திரித்யர்த²: । யேந க்ரியந்தே ஸோ(அ)ஸ்தீதி ஸம்ப³ந்த⁴: ।
த்³ருஷ்டாந்தஸ்ய ஸாத்⁴யவைகல்யம் பரிஹரதி —
ந ஹீதி ।
ஸம்ப்ரத்யநுமாநமாரசயதி —
தஸ்மாதி³தி ।
விமதா சேஷ்டா சேதநாதி⁴ஷ்டா²நபூர்விகா(அ)சேதநப்ரவ்ருத்தித்வாத்³ரதா²தி³சேஷ்டாவதி³த்யர்த²: । ப்ரதிபத்³யதே ப்ராணாதீ³திஶேஷ: ।
அநுமாநப²லமாஹ —
தஸ்மாத்ஸோ(அ)ஸ்தீதி ।
சேஷ்டயதி கார்யகரணஸம்கா⁴தமிதி ஶேஷ: ॥1॥